புதுடில்லி: மறைந்த முன்னாள் ஜனாதிபதி அப்துல்கலாமின் அசையாத அர்ப்பணிப்பு, சுயநலமற்ற அர்ப்பணிப்புடன் நாட்டிற்குச் சேவை செய்ய தொடர்ந்து ஊக்கமளிப்பதாக பாதுகாப்புத்துறை அமைச்சர் ராஜ்நாத் சிங் தெரிவித்துள்ளார்.
அப்துல்கலாமின் நினைவு நாளையொட்டி அவர் வெளியிட்ட பதிவில்; மக்களின் ஜனாதிபதி, இந்தியாவின் ஏவுகணை மனிதர், இந்தியாவின் உள்நாட்டு ஏவுகணை மற்றும் ராஜதந்திர பாதுகாப்புத் திறன்களை வலுப்படுத்துவதில் முக்கியப் பங்காற்றிய சிறந்த விஞ்ஞானி. தொலைநோக்குச் சிந்தனையாளருக்கு அஞ்சலி செலுத்துகிறேன்.
அவரது எளிமையான வாழ்க்கை, நேர்மை மற்றும் நாட்டிற்கான அசையாத அர்ப்பணிப்பு ஆகியவை தலைமுறைகள் கடந்து பெரிய கனவுகளைக் காணவும், அச்சமின்றிப் புதுமைகளைப் படைக்கவும், சுயநலமற்ற அர்ப்பணிப்புடன் நாட்டிற்குச் சேவை செய்யவும் தொடர்ந்து ஊக்கமளித்து வருகின்றன. இவ்வாறு அவர் குறிப்பிட்டுள்ளார்.