இலங்கையில் பெட்ரோல் விலை: தற்போது இலங்கையில் பெட்ரோல் விலை லிட்டருக்கு ரூ.82 உயர்ந்து, ஒரு லிட்டர் பெட்ரோல் ரூ.398-க்கு விற்பனை ஆகிறது. இதேபோல் டீசல் விலை லிட்டருக்கு ரூ.79 உயர்ந்து, ஒரு லிட்டர் டீசல் ரூ.382-க்கு விற்பனை செய்யப்படுகிறது. மண்ணெண்ணெய் விலை லிட்டருக்கு ரூ.60 உயர்ந்து, ஒரு லிட்டர் ரூ.255-க்கு விற்பனை ஆகிறது.
கரோனா பெருந்தொற்றுக்குப் பிறகு கடந்த 2022-ல் இலங்கை பெரிய அளவில் பொருளாதார பாதிப்பை சந்தித்தது. அப்போது இலங்கைக்கு வந்து கொண்டிருந்த அந்நியச் செலாவணி வரத்து கடுமையாகப் பாதிக்கப்பட்டது. அதனால் இலங்கையின் நாணயம் பெரிய அளவில் மதிப்பிழந்தது. மேலும், கடுமையான எரிபொருள் பற்றாக்குறை ஏற்பட்டது. நிலக்கரி வாங்க பணம் இல்லாததால் இலங்கை இருளில் மூழ்கியது. அப்போது பெட்ரோல், டீசல் விலை வரலாறு காணாத வகையில் உயர்ந்தது. தற்போதைய விலையேற்றம் மீண்டும் அதை நினைவுப்படுத்தும் வகையில் அமைந்துள்ளது.