நமது சிறப்பு நிருபர்
மேற்கு ஆசியப் போரினால் ஏற்பட்ட கச்சா எண்ணெய் நெருக்கடிக்கு மத்தியில், பெட்ரோலில் 20% எத்தனால் கலப்பதால் பல்வேறு நன்மைகள் கிடைப்பதாக பிரதமர் மோடி தெரிவித்துள்ளார்.
மேற்கு ஆசியாவில் நடைபெற்று வரும் போரினால் ஏற்பட்ட எரிசக்தி நெருக்கடியின் போது இந்தியாவிற்கு உதவிய நடவடிக்கைகளை லோக்சபாவில் பேசும்போது பிரதமர் மோடி பட்டியலிட்டார். குறிப்பாக E20 பெட்ரோலைக் குறிப்பிட்டார். பெட்ரோலில் 20% எத்தனால் கலக்கப்படுவதால், இந்தியா குறைந்த அளவே எண்ணெயை இறக்குமதி செய்ய வேண்டியிருந்தது என்பதையும் அவர் சுட்டிக்காட்டினார்.
பிரதமர் மோடி கூறியதாவது: 10 ஆண்டுகளுக்கு முன்பு, இந்தியாவில் எத்தனாலைக் கலக்கும் திறன் 1% மட்டுமே இருந்தது. இன்று, நாம் 20% என்ற இலக்கை நெருங்கிவிட்டோம். இதன் காரணமாக, கடந்த ஆண்டில் நாம் 4.5 கோடி பீப்பாய்கள் குறைவான எண்ணெயை இறக்குமதி செய்ய வேண்டியிருந்தது.
மேற்காசியாவில் நிலவும் போர் காரணமாக ஏற்பட்டுள்ள நெருக்கடியான நேரத்தில், நாட்டின் மற்றொரு தயாரிப்பு மிகவும் பயனுள்ளதாக நிரூபிக்கப்பட்டுள்ளது: கடந்த 10-11 ஆண்டுகளில், எத்தனால் உற்பத்தி மற்றும் கலவையில் முன்னெப்போதும் இல்லாத நடவடிக்கைகள் மேற்கொள்ளப்பட்டுள்ளன. இவ்வாறு பிரதமர் மோடி கூறினார்.
E20 பெட்ரோல் என்பது என்ன?
80% பெட்ரோல் மற்றும் 20% எத்தனால் கலந்த E20 எரிபொருளினால் கச்சா எண்ணெய் இறக்குமதிச் செலவுகளைக் குறைப்பது, கார்பன் வெளியேற்றத்தைக் குறைப்பது, மற்றும் இந்தக் கலவைக்குத் தேவையான எத்தனாலை வழங்கும் கரும்பு விவசாயிகளுக்கு ஆதரவளிப்பது ஆகும்.