அரையிறுதியில் தன்வி சர்மா: ஆர்லியன்ஸ் மாஸ்டர்ஸ் பாட்மின்டனில்

பிரான்சில், ஆர்லியன்ஸ் மாஸ்டர்ஸ் பாட்மின்டன் தொடர் நடக்கிறது. பெண்கள் ஒற்றையர் பிரிவு காலிறுதியில் இந்தியாவின் தன்வி சர்மா, ஜப்பானின் நாட்சுகி நிடைரா மோதினர். மொத்தம் 43 நிமிடம் நீடித்த போட்டியில் தன்வி சர்மா 21-14, 21-14 என்ற நேர் செட் கணக்கில் வெற்றி பெற்று அரையிறுதிக்குள் நுழைந்தார்.

மற்றொரு காலிறுதியில் இந்தியாவின் மாளவிகா பன்சோத், இஷாராணி மோதினர். இதில் இஷாராணி 21-9, 15-7 என முன்னிலையில் இருந்த போது மாளவிகா காயத்தால் பாதியில் விலகினார். இஷாராணி வெற்றி பெற்றதாக அறிவிக்கப்பட்டு அரையிறுதிக்குள் நுழைந்தார்.

ஆண்கள் இரட்டையர் பிரிவு காலிறுதியில் இந்தியாவின் ஹரிகரன், அர்ஜுன் ஜோடி 12-21, 20-22 என்ற செட் கணக்கில் இந்தோனேஷியாவின் லியோ ரோலி கார்னன்டோ, பகாஸ் மவுலானா ஜோடியிடம் தோல்வியடைந்தது.