முதல்வர் ஸ்டாலின், சீமான், வேட்பு மனு தாக்கல் முதல் சாத்தான்குளம் வழக்கில் தண்டனை அறிவிப்பு வரை; இன்றைய முக்கிய நிகழ்வுகள் (மார்ச் 30)!

அது எத்தனை மணிக்கு என்பது குறித்து ஓர் சிறப்பு அலசல். மேலும் தொடர்ந்து விவரங்களை அறிய தினமலர் இணையதளம் தொடர்ந்து படியுங்கள்.

* சாத்தான்குளம் தந்தை, மகன் கொலை வழக்கில் குற்றவாளிகள் என அறிவிக்கப்பட்ட இன்ஸ்பெக்டர் ஸ்ரீதர் உட்பட 9 போலீசாருக்கு

இன்று மதுரை மாவட்ட கூடுதல் அமர்வு நீதிமன்றம் தண்டனை விபரங்களை அறிவிக்கிறது.

* நக்சல் இயக்கத்தை முற்றிலும் ஒழிக்கும் மத்திய அரசின் காலக்கெடு நாளையுடன் நிறைவடைய உள்ள நிலையில், அந்த இயக்கத்தின் செயல்பாடுகளை ஒடுக்கும் நடவடிக்கை குறித்து லோக்சபாவில் இன்று விவாதிக்கப்பட உள்ளது. திவால் சட்டத் திருத்த மசோதா லோக்சபாவில் இன்று விவாதத்திற்கு எடுத்துக்கொள்ளப்படுகிறது.

* தமிழக சட்டசபை தேர்தலுக்கான வேட்புமனு தாக்கல் இன்று காலை 11 மணிக்கு தொடங்கும் நிலையில், 4 நாட்கள் விடுமுறை என்பதால் அந்த நாட்களில் வேட்பாளர்கள் தங்கள் மனுக்களை தாக்கல் செய்ய முடியாது. தேர்தல் கமிஷன் கொடுத்த 8 நாள் அவகாசத்தில் வேட்பாளர்களுக்கு 4 நாட்கள் மட்டுமே உள்ளன.

* அசாம் மற்றும் புதுச்சேரியை சேர்ந்த பாஜ தொண்டர்களுடன், பிரதமர் மோடி இன்று ‘நமோ’ செயலி வாயிலாக உரையாடுகிறார்.

* சட்டசபை தேர்தல் பிரசாரத்தை விஜய் இன்று தொடங்குகிறார்; பெரம்பூர், கொளத்தூர், வில்லிவாக்கத்தில் விஜய் இன்று பிரசாரம் மேற்கொள்கிறார்.

* காஞ்சிபுரத்தில் இருந்து இன்று தேர்தல் பிரசாரத்தை துணை முதல்வர் உதயநிதி தொடங்குகிறார்; திமுக எம்பி கனிமொழி நாளை பிரசாரத்தை தொடங்குகிறார்.

* சென்னை அண்ணா அறிவாலயத்தில் இன்று(மார்ச் 30) மாலை திமுக கூட்டணி கட்சி தலைவர்களுக்கு முதல்வர் ஸ்டாலின் தேநீர் விருந்தளிக்கிறார். சட்டசபை தேர்தல் பணிகள் மற்றும் பிரசாரம் குறித்து ஆலோசிக்க திட்டமிடப்பட்டுள்ளது.

* தமிழகம் மற்றும் புதுச்சேரி பார் கவுன்சில் தேர்தல் இன்று காலை 10 மணி முதல் மாலை 5 மணி வரை ஓட்டுப்பதிவு நடைபெறுகிறது; தேர்தலில் ஒரு லட்சம் வழக்கறிஞர்கள் ஓட்டளிக்க உள்ளனர்.

* கொளத்தூர் சட்டசபை தொகுதியில் போட்டியிடும் முதல்வர் ஸ்டாலின், காரைக்குடி தொகுதியில் போட்டியிடும்

நாம் தமிழர் கட்சி தலைமை ஒருங்கிணைப்பாளர் சீமான் இன்று வேட்புமனு தாக்கல் செய்கின்றனர்; 234 தொகுதிகளிலும் நாதகவினர் இன்று தங்கள் வேட்புமனுக்களை தாக்கல் செய்கின்றனர்.

* திமுக கூட்டணியில், மார்க்சிஸ்ட் கம்யூ. கட்சி போட்டியிடும் 5 தொகுதிகளுக்கான வேட்பாளர்களை இன்று அறிவிக்கிறது.

* மயிலாப்பூர் கபாலீஸ்வரர் கோவிலில் அறுபத்து மூவர் திருவிழா இன்று மாலை நடைபெறுகிறது.

* நடப்பு கிரிக்கெட் லீக் போட்டியில் சென்னை சூப்பர் கிங்ஸ் அணி தனது முதல் போட்டியில் இன்று விளையாட உள்ளது. அசாம் மாநிலம் கவுகாத்தியில் இரவு 7:30 மணிக்கு நடைபெறும் போட்டியில் ராஜஸ்தான் ராயல்ஸ் அணியை எதிர்கொள்கிறது.