அஜித், சூரி: மதிமாறன் புகழேந்தி இயக்கத்தில் சூரி நடித்திருக்கும் மண்டாடி படம் 8 நாட்களில் ரிலீஸாகவிருக்கிறது. படம் தொடர்பாக பேட்டிகள் அளித்து வருகிறார் சூரி. அப்படி டிடி அக்காவுக்கு அளித்த பேட்டியில் சில பிரபலங்களின் புகைப்படங்களை காட்டி அவர்கள் குறித்து சூரியிடம் கேள்வி கேட்கப்பட்டது.
அப்படி அஜித் குமார் பற்றி கேட்டதற்கு சூரி கூறியதாவது, அவர் சூப்பர் மனிதர். மோட்டிவேஷன் என்றால் அவர் தான். ஆரம்ப காலத்தில் அவரின் ஜி படத்தில் நடித்தேன். பின்னர் வேதாளத்தில் நடித்தேன். ஜி படத்தில் நடித்த அனுபவத்தை சொல்கிறேன். ஜூனியர் ஆர்டிஸ்ட் என்பதில் இருந்து ப்ரொமோஷன் ஆகி கம்பெனி ஆர்டிஸ்ட் என இருக்கும் 20 பேரில் நானும் ஒருவன்.
இயக்குநர் பாலாஜி சக்திவேல் சார் லிங்குசாமி சாரிடம் பரிந்துரை செய்ததால் நான் அங்கு சென்றேன். ஜி படத்தில் தேர்தல் நடிக்கும். அதில் வில்லன் டீம் வெற்றி பெற்றுவிடும். ஹீரோ டீம் கீழே நிற்க நாங்க வில்லன் டீம் மேலே நின்று கொண்டிருப்போம். அவர்கள் தோல்வி அடைந்த உடனேயே நாங்கள் அவர்களை கலாய்க்க வேண்டும். டப்பிங்கில் பார்த்துக்கொள்ளலாம் என கூட்டத்தில் சில வார்த்தைகளை விடுவார்கள். ஆளாளுக்கு கத்தினார்கள்.
நல்லா திட்டினேன்: நான் கெட்ட கெட்ட வார்த்தையாக விட்டேன். பயங்கரமாக சிதைத்துவிட்டேன். நான் பேசியதை அஜித் சார் கவனித்துவிட்டார். மானிட்டரை பார்த்து எனக்கு கைதட்டி பாராட்டினார்கள். அஜித் சார் சொல்லி என்னை கீழே வருமாறு இயக்குநர் அழைத்தார். நான் வந்ததும் என்ன பேசினீங்கனு கேட்டார் அஜித் சார். மானிட்டரை போடுங்க என்றார் அவர். சார், அது கத்துறது என்றேன். என்ன திட்டியிருக்கீங்கனு கேட்டார். சொன்னாங்க சார்,செய்தேன் என்றேன்.
என்னை திட்டச் சொன்னாங்களானு கேட்டார். உங்களை திட்டச் சொல்லவில்லை சார், பொதுவாக கத்தச் சொன்னாங்க. ஆனால் நீங்க கத்தல என்றார் அஜித் சார். எந்த ஊர் என அவர் கேட்டதும் மதுரை சார் என்றேன். உடனே என்னை கட்டிப்பிடித்து சூப்பர்னு பாராட்டினார். என்ன ஃபயர்ல, அந்த ஊர் மட்டும் ஏன் அப்படி இருக்காங்க என்று சொன்னார் அஜித் சார். அண்மையில் அவர் ஒரு வார்த்தை சொன்னார். உங்களுக்கு நீங்கள் மரியாதை கொடுக்கவில்லை என்றால் உலகத்தில் எவனும் மரியாதை கொடுக்க மாட்டான்.
நீங்கள் உங்களை நம்பணும்ஜி. நீங்களே உங்களை மதிக்கவில்லை என்றால் எப்படி? ரொம்ப கட்ஸான ஆள் அவர். மோர் கொடுத்தாங்க கொஞ்சம் சிந்திவிட்டுது. உடனே அஜித் சாரே அந்த இடத்தை சுத்தம் செய்தார். அய்யோ சார்னு நான் சொன்னதும், நம்ம வீடு நான் தானே சுத்தம் பண்ண வேண்டும், வேறு யார் செய்வார்கள்னு சொன்னார். ஷூட்டிங் முடிந்த பிறகு சாப்பிடுகிறீர்களா என கேட்டார். பிரியாணி இருக்கு, பிடிக்குமானு கேட்டு அவரே பரிமாறினார். எல்லாரையும் சாப்பிட வைத்து அழகு பார்த்தார் என்றார்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
கார்த்தி படம்: சூரியின் மண்டாடி தனியாக வரவில்லை. கார்த்தியின் சர்தார் 2 படத்தோடு வருகிறது. இந்நிலையில் மண்டாடியை அடுத்து ரவிக்குமார் இயக்கத்தில் நடிக்கும் படத்தில் சூரிக்கு ரூ. 25 கோடி சம்பளமாம்என பேச்சாக கிடக்கிறது. ஒரு காலத்தில் வீட்டு வாடகை கொடுக்க கையில் 300 ரூபாய் இல்லாமல் கண்ணீர் விட்ட சூரியின் அபார வளர்ச்சி ரசிகர்களை வியக்க வைத்திருக்கிறது. அந்த வாடகை விஷயத்தை அண்மையில் மண்டாடி விழாவில் தெரிவித்தார் சூரி என்பது குறிப்பிடத்தக்கது.
Source link