சர்தார் 2 கார்த்தி : கார்த்தி நடித்திருக்கும் சர்தார் 2படத்தின் ட்ரெய்லர் மற்றும் இசை வெளியீட்டு விழாவில் கலந்து கொண்ட இயக்குநரும், நடிகருமான சுந்தர் சி. சொன்ன விஷயம் ரசிகர்களுக்கு பிடித்துவிட்டது. சினிமாவில் சம்பாதிக்கும் காசை வைத்து எத்தனையோ ஏழை வீட்டு பிள்ளைகளை படிக்க வைக்கும் சூர்யாவும், அவரின் தம்பி கார்த்தியும் அரசியலுக்கு வந்தால் தமிழக மக்களுக்கு நல்லது என்கிறார்கள் ரசிகர்கள்.
இந்நிலையில் கார்த்தி பற்றி சுந்தர் சி. பேசியது அவரின் ரசிகர்களை கவர்ந்திருக்கிறது. சுந்தர் சி. கூறியதாவது, நானும், கார்த்தி சாரும் சேர்ந்து சந்தோஷமான படத்தை கொடுக்க திட்டமிட்டுக் கொண்டிருக்கிறோம். இசை வெளியீட்டு விழாவுக்கு வர எனக்கு ரொம்ப பயம். அதற்கு காரணம் மைக் பிடித்து பேசுவது.
மெர்சல் விஜய் : நான் கடைசியாக கலந்து கொண்ட இசை வெளியீட்டு விழா மெர்சல் விழா. இங்கு எப்படி கார்த்தி சார் ரசிகர்கள் இருக்கிறார்களோ அதே மாதிரி அந்த விழாவில் முதல்வர் விஜய் ரசிகர்கள் எல்லாம் இருந்தார்கள். இங்கே எத்தனை வருங்கால அமைச்சர்கள், எம்.எல்.ஏ.க்கள் இருக்கிறீர்களோ என மெர்சல் விழாவில் சொன்னேன். அது இவ்வளவு சீக்கிரம் நடக்கும் என நான் எதிர்பார்க்கவில்லை. இதை சொல்வதால் நான் கார்த்தி சாரை அரசியலுக்கு வருமாறு சொல்வதாக யாரும் தவறாக எடுத்துக்கொள்ள வேண்டாம்.
கார்த்தி திறமை: விஜய் சாருக்கு அடுத்து அனைத்து தரப்பு ஆடியன்ஸையும் கவரக்கூடியவர் கார்த்தி சார். எமோஷனல், காமெடி, ஆக்ஷன், லவ், கலாய் என எல்லாம் செய்யக் கூடியவர் கார்த்தி சார். 80, 90ஸ்ல ரஜினி சாருக்கு மாஸ் இருந்தது. அதன் பிறகு விஜய் சாருக்கு இருந்தது. அவருக்கு பிறகு எந்த கதாபாத்திரத்தில் நடித்தாலும் ஆடியன்ஸ் ரசிக்கக்கூடிய ஒரு மாஸ் என்டர்டெயினர் என்றால் அது கார்த்தி சார் தான். அவருடன் சேர்ந்து படம் பண்ண வேண்டும் என ரொம்ப நாளாக ஆசை இருந்தது. என் ஜானர் படத்திற்கு ஏற்ற ஹீரோ கார்த்தி சார்.
படத்திற்கு முன்பு பெரிய கண்டம் ஒன்று இருக்கிறது. கார்த்தி சாரிடம் ஸ்க்ரிப்ட் சொல்லி சம்மதம் வாங்க வேண்டும். எல்லாம் நல்லபடியாக நடக்கும் என நம்புகிறேன். 80களில் ரஜினி சார், கமல் சார் புயல் மாதிரி வந்த காலம். சகலகலா வல்லவன், தேவர்மகன் என கமல் சார் படம், இந்த பக்கம் முரட்டுக்காளை, நல்லவனுக்கு நல்லவன் படங்கள் வந்தது. அதை எல்லாம் பார்த்து விசில் அடித்து வளர்ந்தவன் நான். ஏகப்பட்ட ஸ்டார்களை வைத்து அந்த மாதிரி படம் பண்ண ஆசைப்படுகிறேன் என்றார்.
ஜோதிடரின் கணிப்பு: சுந்தர் சி. பேசியதை பார்த்த தளபதி ரசிகர்களோ, ஊத்துக்குளி வெற்றிவேல் எனப்படும் ரிக்கி ராதன் பண்டிட் கணிப்புலாம் ஒன்னுமே இல்ல. நம்ம சுந்தர் சி. 2017ம் ஆண்டிலேயே விஜய்ணாவின் அரசியல் பயணத்தை கணித்திருக்கிறார். விஜய்ணாவுக்கு தலைமை நிலையை அடை முடியும் என்று தோனல என 2019ம் ஆண்டில் சொன்னவர் தானே இந்த ரிக்கி ராதன் பண்டிட் என்கிறார்கள்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
அஜித் குமாரின் ஜாதகம் அற்புதமாக இருக்கிறது. அவர் அரசியலுக்கு வந்தால் சாதிப்பார் என கூறினார் வெற்றிவேல். மேலும் அரசியல் தொடர்பாக அஜித் குமாரை அணுகியதாகவும், அவருக்கு விருப்பம் இல்லை என்று தெரிவித்ததால் அமைதியாகிவிட்டதாகவும் கூட கூறினார் ரிக்கி ராதன் பண்டிட் எனும் வெற்றிவேல்.
Source link