கௌதம் விமர்சனம்: கீது மோகன்தாஸ் இயக்கத்தில் யஷ் தயாரித்து, நடித்த டாக்சிக் படத்திற்கு பாசிட்டிவான விமர்சனங்களை விட நெகட்டிவ் விமர்சனங்கள் அதிக அளவில் வந்தது. அதனால் டாக்சிக் பார்க்க தியேட்டர்களுக்கு செல்வோரின் எண்ணிக்கை வெகுவாக குறைந்துவிட்டது. ஆகஸ்ட் 26ம் தேதி வெளியான டாக்சிக் தற்போது வரை இந்தியாவில் ரூ. 234 கோடி வசூல் செய்திருக்கிறது.
யஷுக்கு அடுத்தபடியாக நயன்தாரா, கியாரா அத்வானி ஆகியோரை தான் சினிமா ரசிர்கள் கிண்டல் செய்து வருகிறார்கள். இந்நிலையில் தெலுங்கு திரையுலகின் முன்னணி ஹீரோக்களில் ஒருவரான மகேஷ் பாபுவின் அன்பு மகன் கௌதம் டாக்சிக் படம் பார்த்துவிட்டு ஆன்லைனில் மதிப்பீடு கொடுத்திருக்கிறார். டாக்சிக்கிற்கு Letterboxdல் 0.5 ஸ்டார் கொடுத்திருக்கிறார் கௌதம்.
400 படங்கள்: முன்னதாக விஜய் தேவரகொண்டா, அனன்யா பாண்டே நடிப்பில் வெளியான லைகர் படத்திற்கும் அவர் 0.5 ஸ்டார் தான் கொடுத்தார். மகேஷ் பாபு மகன் ஒன்றும் பாரபட்சமாக ஸ்டார் கொடுக்கவில்லை. படம் மொக்கை என்றால் மொக்கை என்று தானே சொல்ல முடியும். சூப்பர் ஸ்டார் மகன் சரியாக தான் ரேட்டிங் கொடுத்திருக்கிறார் என்கிறார்கள் மகேஷ் பாபுவின் ரசிகர்கள்.
20 வயதாகும் கௌதம் இதுவரை 400க்கும் அதிகமான படங்களை பார்த்துவிட்டு மதிப்பீடு கொடுத்திருக்கிறார். தெலுங்கு மட்டும் அல்லாமல் பல்வேறு மொழி படங்களையும் பார்த்து வருகிறார் அவர். தன் அப்பா படமாகவே இருந்தாலும் அது நல்லா இல்லை என்றால் குறைவான ரேட்டிங் கொடுத்திருக்கிறார் கௌதம்.
துரந்தர் 2 ரேட்டிங்: மகேஷ் பாபு, காஜல் அகர்வால், சமந்தா ரூத் பிரபு நடிப்பில் 2016ம் ஆண்டு ரிலீஸான பிரம்மோத்சவம் படத்திற்கு ஒரேயொரு ஸ்டார் தான் கொடுத்துள்ளார் கௌதம். அதே சமயம் அப்பாவின் போக்கிரி, 1: Nenokkadine ஆகிய படங்களுக்கு 5 ஸ்டார் ரேட்டிங் கொடுத்துள்ளார். பிரபாஸ், ராணா, அனுஷ்கா நடித்த பாகுபலி 2 படத்திற்கு 5 ஸ்டார்களும், சீதா ராமம் படத்திற்கு 4.5 ஸ்டார் ரேட்ங்கும் கொடுத்துள்ளார்.ரன்வீர் சிங், சாரா நடிப்பில் வெளியாகி மாபெரும் வெற்றி பெற்ற துரந்தர் 2 படத்திற்கு கௌதமிடம் இருந்து 3 ஸ்டார்கள் கிடைத்திருக்கிறது.
மகேஷ் பாபு வழியில் நடிக்க வருவார் கௌதம் என தெலுங்கு ரசிகர்கள் காத்துக் கொண்டிருக்கிறார்கள். இதற்கிடையே டாக்சிக் ஷோக்களின் எண்ணிக்கை ஒரே வாரத்தில் வெகுவாக குறைந்துவிட்டது. படம் ரிலீஸான அன்று எக்ஸ் தளத்தில் பலரும் டாக்சிக்கை விளாசியதை பார்த்த யஷ் ரசிகர்கள் அவருக்கு ஆதரவாக குரல் கொடுத்தார்கள்.
அதிருப்தியில் ரசிகர்கள்: அதன் பிறகோ, உங்களிடம் இருந்து சத்தியமா இப்படியொரு மோசமான படத்தை எதிர்பார்க்கவில்லை அண்ணா என யஷ் ரசிகர்களே கூற ஆரம்பித்துவிட்டார்கள். அலுவலகத்தில் சேர்ந்து வேலை செய்யும் பெண்களுடன் டாக்சிக் படத்தை முதல் நாளே பார்த்துவிடும் ஆசையில் தியேட்டருக்கு சென்று முழுதாக பார்க்காமல் வெளியே வந்துவிட்டோம். தெரிந்த பெண்களை விடுங்கள் தெரியாத பெண்கள் அருகில் அமர்ந்து படம் பார்க்கவே கூச்சமாக இருந்தது. டாக்சிக் ஓடாது என்று தெரிந்துமே நடித்தீர்களா யஷ் அண்ணா என ரசிகர்கள் கேட்டார்கள்.
சென்னையில் யஷ்: முன்னதாக சென்னையில் நடந்த டாக்சிக் விழாவில் தான் தமிழகத்தின் தத்துப் பிள்ளை என்றார் யஷ். அவரை வரவேற்க வேலு நாயக்கர், பாட்ஷா பாய், பில்லா, லியோ ஆகியோரை மேடைக்கு வர வைத்தார்கள். இந்நிலையில் டாக்சிக் படம் பார்த்த தமிழ் ரசிகர்களோ, தத்துப் பிள்ளை செய்யும் வேலையா இது?. இந்த காவியத்தை ஆதரிக்கச் சொல்லியா சென்னைக்கு வந்தீர்கள் ராக்கி பாய் என கேட்டார்கள்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
இதற்கிடையே தான் தயாரிப்பாளரிடம் சொல்லும் கதையை படமாக்கும் பழக்கம் தனக்கு இல்லை என கீது மோகன்தாஸ் தெரிவித்தது வைரலானது. யஷ் எப்படித் தான் இவரை நம்பி பணம் போட்டு நடித்தாரோ என்றார்கள் சினிமா ரசிகர்கள்.
Source link