டெல்டா மாவட்டங்களின் பாசனத் தேவையை கருத்தில் கொண்டு, மேட்டூர் அணையில் இருந்து கடந்த 1-ம் தேதி முதல்வர் விஜய் தண்ணீர் திறந்து வைத்தார். தொடக்கத்தில் குறைந்த அளவில் திறக்கப்பட்ட நீரின் அளவு, பின்னர் படிப்படியாக அதிகரிக்கப்பட்டது.
டெல்டா விவசாயிகள் தண்ணீர் கோரிக்கை
தற்போது அணையில் இருந்து விநாடிக்கு 7,000 கனஅடி தண்ணீர் திறக்கப்பட்டு வருகிறது. இதனிடையே, டெல்டா மாவட்டங்களில் சாகுபடி பணிகள் தீவிரமடைந்து வருவதால், பாசனத்துக்கான தண்ணீர் தேவை அதிகரித்துள்ளது. குறிப்பாக, பயிர்களுக்கு தேவையான நீரை தொடர்ந்து வழங்கும் வகையில், மேட்டூர் அணையில் இருந்து கூடுதலாக தண்ணீர் திறக்க வேண்டும் என விவசாயிகள் கோரிக்கை விடுத்து வருகின்றனர்.
மேட்டூர் அணை நீர் திறப்பு 12000 கனஅடி
இதையடுத்து, மேட்டூர் அணையில் இருந்து காவிரி டெல்டா பாசனத்திற்காக திறக்கப்படும் நீரின் அளவு மேலும் அதிகரிக்கப்பட்டுள்ளது. விவசாயிகளின் கோரிக்கையை ஏற்று, அணையில் இருந்து திறக்கப்படும் நீரின் அளவு வினாடிக்கு 10,000 கனஅடியில் இருந்து 12,000 கனஅடியாக உயர்த்தி நீர் திறந்து விடப்படுகிறது.
காவிரி டெல்டா பாசனத்திற்காக கடந்த செப்டம்பர் 1-ஆம் தேதி மேட்டூர் அணை திறக்கப்பட்டது. அன்று காலை வினாடிக்கு 3,000 கனஅடி நீர் திறக்கப்பட்ட நிலையில், பின்னர் அது 7,000 கனஅடியாக உயர்த்தப்பட்டது. அதனைத் தொடர்ந்து நேற்று மாலை திறக்கப்படும் நீரின் அளவு 10,000 கனஅடியாக அதிகரிக்கப்பட்டது.
டெல்டா விவசாயிகள் தண்ணீர் கோரிக்கை
இந்நிலையில், கடைமடைப் பகுதிகள் வரை காவிரி நீர் சென்று சேர வேண்டும் என்பதற்காகவும், விவசாயிகளின் தொடர் கோரிக்கையை பரிசீலித்தும் தற்போது நீர்திறப்பு மேலும் அதிகரிக்கப்பட்டுள்ளது. அதன்படி, இன்று மேட்டூர் அணையில் இருந்து வினாடிக்கு 12,000 கனஅடி வீதம் உபரி நீர் தொடர்ந்து வெளியேற்றப்பட்டு வருகிறது.
பாசனத்திற்காக நீர்திறப்பு படிப்படியாக உயர்த்தப்பட்டு வருவதால் டெல்டா மாவட்ட விவசாயிகள் மகிழ்ச்சியடைந்துள்ளனர். அணையின் நீர்மட்டம் மற்றும் நீர் வரத்தை அதிகாரிகள் தொடர்ந்து கண்காணித்து வருகின்றனர். கூடுதல் தண்ணீர் திறப்பது குறித்து அரசு விரைவில் முடிவு எடுக்குமா என்ற எதிர்பார்ப்பு விவசாயிகள் மத்தியில் ஏற்பட்டுள்ளது.