முன்னாள் முதலமைச்சர் மு.க.ஸ்டாலின் மீது தமிழக வெற்றிக் கழக அமைச்சர் ஆதவ் அர்ஜுனா ரூ.1 கோடி மானநஷ்ட ஈடு கேட்டு வழக்கு தொடர்ந்துள்ளார். போதைப்பொருள் தொடர்பான விவகாரத்தில் ஜான் பிரிட்டோ என்பவர் தனது உறவினர் என ஸ்டாலின் குறிப்பிட்டதாகவும், அவர் தனது உறவினர் இல்லை என்றும் ஆதவ் அர்ஜுனா தரப்பில் தெரிவிக்கப்பட்டுள்ளது.
முன்னாள் முதலமைச்சர் மு.க.ஸ்டாலின் மீது தமிழக வெற்றிக் கழகத்தின் அமைச்சர் ஆதவ் அர்ஜுனா மானநஷ்ட வழக்கு தொடர்ந்துள்ளார். இந்த வழக்கில் மு.க.ஸ்டாலின் பதிலளிக்க நீதிமன்றம் அவகாசம் வழங்கியுள்ளது.ஆதவ் அர்ஜுனா தொடர்ந்த இந்த வழக்கில், தனக்கு ரூ.1 கோடி இழப்பீடு வழங்க வேண்டும் என கோரப்பட்டுள்ளது. இந்த வழக்கு தொடர்பாக மு.க.ஸ்டாலின் தரப்பில் பதிலளிக்க செப்டம்பர் 21ஆம் தேதி வரை நீதிமன்றம் அவகாசம் வழங்கியுள்ளது.
ஜான் பிரிட்டோ விவகாரத்தில் சர்ச்சை
போதைப்பொருள் தொடர்பான விவகாரத்தில் ஜான் பிரிட்டோ என்பவர் ஆதவ் அர்ஜுனாவின் உறவினர் என மு.க.ஸ்டாலின் சமூக வலைதளப் பதிவில் குறிப்பிட்டதாக கூறப்படுகிறது. இதற்கு எதிர்ப்பு தெரிவித்த ஆதவ் அர்ஜுனா, ஜான் பிரிட்டோ தனக்கு உறவினர் இல்லை என மறுப்பு தெரிவித்திருந்தார்.இதனைத் தொடர்ந்து, மு.க.ஸ்டாலின் தன்னைப் பற்றி தவறான தகவலை வெளியிட்டதாகக் கூறி, ஆதவ் அர்ஜுனா மானநஷ்ட வழக்கு தொடர்ந்துள்ளார்.
ஆதாரத்துடன் குற்றச்சாட்டை அடுக்கிய அமைச்சர் ஆதவ் அர்ஜூனா!
செப்டம்பர் 21க்கு ஒத்திவைப்பு
இந்த வழக்கை விசாரித்த நீதிபதி திலகவதி, மு.க.ஸ்டாலின் தரப்பில் பதில் அளிப்பதற்காக வழக்கை செப்டம்பர் 21ஆம் தேதிக்கு ஒத்திவைத்துள்ளார். மு.க.ஸ்டாலின் தரப்பின் பதில் நீதிமன்றத்தில் தாக்கல் செய்யப்பட்ட பிறகு, இந்த வழக்கில் அடுத்தகட்ட விசாரணை நடைபெறும் என எதிர்பார்க்கப்படுகிறது. தமிழக அரசியலில் திமுக மற்றும் தவெக இடையே மோதல் தீவிரமடைந்து வரும் நிலையில், இந்த மானநஷ்ட வழக்கும் அரசியல் வட்டாரத்தில் கவனம் பெற்றுள்ளது.
Source link