குளிர்கால குல்லாய்களின் (Beanies / Winter hats) உச்சியில் வைக்கப்படும் அந்த மென்மையான நூல் பந்து, இன்று ஃபேஷனுக்காகப் பயன்படுத்தப்பட்டாலும், இதன் பின்னணியில் சுவாரசியமான வரலாற்று காரணம் உள்ளது.
பிரெஞ்சு கடற்படை மாலுமிகள் தங்கள் தொப்பிகளில் இந்த பொம்-பொம்களை (Pom Pom) பயன்படுத்தினர். கப்பலின் கீழ்த்தளங்களில் மேற்கூரைகள் மிகவும் தாழ்வாக இருக்கும். கடல் சீற்றத்தின் போது கப்பல் குலுங்கும்போதோ அல்லது அவசரமாக நடக்கும்போதோ, மாலுமிகளின் தலை கூரையில் முட்டி காயம் ஏற்படாமல் இருக்க, இந்த மென்மையான பந்து ஒரு மெத்தை போலவும், “தலை இடிக்கப் போகிறது” என்று உணர்த்தும் எச்சரிக்கையாகவும் செயல்பட்டது.
ஐரோப்பிய ராணுவ வரலாற்றிலும் இதற்கு முக்கியப் பங்குண்டு. நெப்போலியனின் காலாட்படை வீரர்களும், ஸ்காட்டிஷ் ராணுவப் பிரிவினரும் தாங்கள் எந்தப் பிரிவைச் சேர்ந்தவர்கள், அவர்களின் பதவி என்ன என்பதை எளிதாக அடையாளம் காண, தொப்பியில் வெவ்வேறு வடிவங்கள் மற்றும் நிறங்களில் இந்த பொம்-பொம்களைப் பயன்படுத்தினர்.
இது சமீபத்திய கண்டுபிடிப்பு அல்ல. 1904-ஆம் ஆண்டு ஸ்வீடனில் கண்டெடுக்கப்பட்ட வைக்கிங் காலத்து `ஃப்ரேயர்’ (Freyr) என்ற கடவுளின் சிலையிலேயே, தலையில் பொம்-பொம் போன்ற அமைப்பைக் கொண்ட தொப்பி இருப்பதை தொல்பொருள் ஆய்வாளர்கள் கண்டுபிடித்துள்ளனர்.
தென் அமெரிக்காவின் சில பாரம்பரிய மக்கள், தங்கள் திருமண நிலையைக் குறிக்க, வெவ்வேறு நிறங்களிலான பொம்-பொம்களைத் தங்கள் ஆடைகளிலும் தொப்பிகளிலும் அணிந்தனர்.
கடுமையான பனிப்பொழிவின் போது, தடிமனான கையுறைகளை அணிந்துகொண்டு தொப்பியைக் கழற்றுவது கடினம். இந்த `பொம்-பொம்’ தொப்பியை எளிதாகப் பிடித்துக் கழற்ற உதவுகிறது.
அதிக பனியில் யாராவது புதைந்துவிட்டாலோ அல்லது விழுந்துவிட்டாலோ, வெளியே நீட்டிக்கொண்டிருக்கும் இந்த சிறிய பந்து அவர்களை எளிதில் கண்டுபிடிக்கவும் உதவியதாகக் கூறப்படுகிறது.