ஸ்குவாஷ்: அபே சிங் வெற்றி

எகிப்தில், எல் கவுனா ஓபன் ஸ்குவாஷ் தொடர் நடக்கிறது. ஆண்களுக்கான முதல் சுற்றில், உலகின் ‘நம்பர்-25’ இந்தியாவின் அபே சிங், 13வது இடத்தில் உள்ள எகிப்தின் அலி அபு எலினென் மோதினர். இதில் அபே சிங் 3-2 (9-11, 11-8, 3-11, 11-4, 11-8) என்ற கணக்கில் வெற்றி பெற்று, இரண்டாவது சுற்றுக்கு முன்னேறினார். இதில் அபே சிங், உலகின் ‘நம்பர்-7’ எகிப்தின் யூசுப் இப்ராஹிமை சந்திக்கிறார்.

பெண்களுக்கான முதல் சுற்றில், உலகின் ‘நம்பர்-20’ இந்தியாவின் அனாஹத் சிங், முதலிடத்தில் உள்ள எகிப்தின் ஹானியா எல் ஹம்மாமி மோதினர். இதில் அனாஹத் 1-3 (8-11, 5-11, 11-9, 8-11) என்ற கணக்கில் தோல்வியடைந்தார்.