ஒட்டன்சத்திரம்: திண்டுக்கல் மாவட்டம் ஒட்டன்சத்திரத்தில் ஓய்வுபெற்ற மின்வாரிய அலுவலர் வீட்டில் 60 பவுன் தங்கம், 6 கிலோ வெள்ளியை கொள்ளையடித்த நால்வரை போலீசார் தேடுகின்றனர்.
ஒட்டன்சத்திரம் நல்லாக்கவுண்டன் நகரை சேர்ந்தவர் காளிமுத்து 65. மின்வாரிய ஓய்வு ஊழியர்.
இவர் நேற்று முன்தினம் குடும்பத்துடன் திருச்செந்துார் சென்றார். நள்ளிரவில் இவரது வீட்டிற்கு இரு டூவீலர்களில் வந்த 4 பேர், பூட்டை உடைத்து 60 பவுன் தங்க நகை, 6 கிலோ வெள்ளி பொருட்கள், ரூ.45 ஆயிரத்தை கொள்ளையடித்தனர். வாசலில் இருந்த காரையும் திருடிச்சென்றனர்.
திண்டுக்கல் எஸ்.பி., பிரதீப் நேரில் விசாரணை நடத்தினார். தடயவியல் நிபுணர்கள் கைரேகைகளை சேகரித்தனர். ஒட்டன்சத்திரம் டி.எஸ்.பி., கார்த்திகேயன், இன்ஸ்பெக்டர் தங்கராஜ் சி.சி.டி.வி., காட்சிகளை வைத்து கொள்ளையர்களை தேடுகின்றனர்.