நமது நிருபர்
மத்திய பிரதேசத்தின் குவாலியரில் ஷீத்லா மாதா கோவில் அருகே ஏராளமான பக்தர்கள் நின்று கொண்டிருந்தனர். நெல் ஏற்றி வந்த லாரி பக்தர்கள் மீது மோதியது. 12 பேர் உயிரிழந்தனர். 39 பேர் காயம் அடைந்தனர். இவர்கள் மருத்துவமனையில் சேர்க்கப்பட்டனர். 7 பேர் நிலைமை கவலைக்கிடமாக இருக்கிறது.
நவராத்திரி காலம் என்பதால் நள்ளிரவில் அதிகமான மக்கள் கோவிலில் கூடியிருந்தனர். விபத்து அதிகாலை 2 மணிக்கு நிகழ்ந்தது என போலீசார் தெரிவித்தனர். ”லாரியில் அளவுக்கு அதிகமாக பாரம் ஏற்றப்பட்டிருந்தது; வேகமாக வந்து மோதியதில் சிலர் சம்பவ இடத்திலேயே உடல்நசுங்கி உயிரிழந்தனர்” என நேரில் பார்த்தவர்கள் கூறினர்.