மின்சாரத்திற்கான தேவை மற்றும் விநியோக இடைவெளியை மத்திய அரசு கணிக்க தவறிவிட்டது என தமிழக மின்சாரம் மற்றும் எரிசக்தித் துறை அமைச்சர் நிர்மல் குமார் கூறியுள்ளார்.
இதுதொடர்பாக மின்சாரம் மற்றும் எரிசக்தித் துறை அமைச்சர் நிர்மல் குமார் தனது சமூக ஊடகப் பக்கத்தில் வெளியிட்டுள்ள பதிவில்,
ராஜஸ்தான் அரசாங்கம் இந்தியாவிலே அதிக விலைக்கு மின்சாரம் வாங்குவதாக வெளியான செய்தியை சுட்டிக்காட்டி, இது மத்திய மின்சார அமைச்சகத்தின் ஒரு பெரும் தவறாகும்.
ராஜஸ்தான் ஒரு யூனிட் மின்சாரத்திற்கு ₹46.09 செலவிடுவதாக செய்திகள் கூறுகின்றன. இது, மத்திய அரசின் தேசிய தேவை முன்னறிவிப்பு மற்றும் வளங்களின் போதுமான இருப்பு குறித்த திட்டமிடல் குறித்து கடுமையான கேள்விகளை எழுப்பியுள்ளது. ஏனெனில், மத்திய மின்சாரத் துறை நிறுவனங்களைப் போலல்லாமல், தனிப்பட்ட மாநிலங்களுக்கு நாடு தழுவிய மின்சாரத் தேவை மற்றும் உற்பத்தி இருப்பு குறித்த தெளிவான பார்வை குறைவாகவே உள்ளது.
இத்தகைய தேவை- விநியோக இடைவெளிகள் ஏன் முன்கூட்டியே கணிக்கப்பட்டு திட்டமிடப்படவில்லை என்பதை மத்திய மின்சார அமைச்சகம் ஆராய வேண்டும். குறைந்தபட்சம் இப்போதாவது, மத்திய மின்சார அமைச்சகம் தேசிய அளவிலான முன்னறிவிப்பு மற்றும் மாநிலங்களுடன் சிறந்த ஒருங்கிணைப்பு குறித்து திட்டமிட வேண்டும். இது எதிர்காலத்தில் மாநிலங்கள் இதுபோன்ற கட்டுக்கடங்காத விலையுள்ள மின்சாரத்தைத் தவிர்க்க உதவும். இவ்வாறு நிர்மல் குமார் அந்தப் பதிவில் குறிப்பிட்டுள்ளார்.
This is a major miss from Union Power Ministry,
Article says Rajasthan is spending ₹46.09 per unit power. This has raised serious questions about national demand forecasting and resource adequacy planning by Union government. Since individual States have limited visibility of…
— CTR.Nirmalkumar (@CTR_Nirmalkumar) October 25, 2026