பரமக்குடியில் வாக்கு சேகரித்த முதல்வர்
குறிப்பாக விஜயின் அரசியல் வருகையால் பிரதான கட்சிகளாக இருக்கக்கூடிய திமுக,அதிமுக உள்ளிட்ட கட்சிகளின் சிறுபான்மையினர் வாக்குகள் மற்றும் இளைஞர்கள் வாக்குகள் ஆகியவற்றில் தாக்கத்தை ஏற்படுத்தும் என்று அரசியல் விமர்சகர்கள் கருத்து தெரிவித்து வருகின்றனர். அந்த வகையில், சமீபத்தில் வெளியான கருத்து கணிப்புகளும் விஜய்க்கு இளைஞர்களின் வாக்குகள் அதிகம் இருப்பதை உறுதிப்படுத்தியது.
தமிழகத்தை பொறுத்தவரை திமுக, அதிமுக ,நாம் தமிழர், தமிழக வெற்றிக் கழகம் உள்ளிட்ட கட்சிகளுக்கு இடையே நான்கு முனை போட்டி நிலவு உள்ளது. தேர்தலுக்கு இன்னும் பத்து நாட்களே மீதம் உள்ள நிலையில் அரசியல் கட்சி தலைவர்கள் மாவட்டம் வாரியாக களத்தில் பொதுமக்களை சந்தித்து வாக்கு சேகரித்து வருகின்றனர். அந்த வகையில், ராமநாதபுரம் மாவட்டத்தில் உள்ள பரமக்குடி சட்டமன்றத் தொகுதிக்கு முதலமைச்சர் மு க ஸ்டாலின் வருகை தந்து உள்ளார்.
விஜய் போட்ட மாஸ்டர் பிளான்…களத்தில் நடக்கப்போகும் மாற்றம்?
ஜனநாயகன் படம் லீக்
அதிகாலையில் பரமக்குடியில் நடைபெற்ற போது முதலமைச்சர் மு க ஸ்டாலின் பொது மக்களை சந்தித்து திமுக வேட்பாளர் கதிரவனை ஆதரித்து பரப்புரை மேற்கொண்டார். பின்னர் செய்தியாளர்களை சந்தித்த முதலமைச்சர் மு க ஸ்டாலின் வரும் சட்டமன்ற தேர்தலில் திமுக மீண்டும் ஆட்சி அமைக்கும். திமுகவுக்கு வெற்றி வாய்ப்பு பிரகாசமாக உள்ளது. மக்கள் மத்தியில் அமோக வரவேற்பு இருக்கிறது. திமுக அரசின் திட்டங்கள் அனைத்து தரப்பு மக்களிடமும் சென்றடைந்து உள்ளது.
200 தொகுதிகள் இல்லை 234 தொகுதிகளிலும் திமுக வெற்றி உறுதி செய்யப்படும் என்று கூறினார். இதனைத் தொடர்ந்து தமிழக வெற்றி கழக தலைவர் விஜய்யின் கடைசி படமான ஜனநாயகன் திரைப்படம் சென்சார் சான்றிதழ் கிடைக்காமல் வழக்கு தொடரப்பட்டு நிலுவையில் உள்ளது.
முதல்வர் மு.க. ஸ்டாலின் பதில்
இந்த சூழலில் கடந்த சில தினங்களுக்கு முன்பு ஜனநாயகன்படம் இணையத்தில் வெளியிடப்பட்டது அதிர்ச்சியை ஏற்படுத்தியது. இது குறித்து முதலமைச்சர் மு க ஸ்டாலின் இடம் செய்தியாளர்கள் கேள்வி எழுப்பினர். அதற்கு முதலமைச்சர் மு க ஸ்டாலின் அதைப்பற்றி பதில் சொல்ல வேண்டிய அவசியம் இல்லை.
தொடர்ந்து தமிழக வெற்றிக்கழக தலைவர் விஜய் திமுகவுக்கும் தவெகவுக்கும் தான் போட்டி என்று கூறி வருவது குறித்து கேள்விக்கு நோ கமெண்ட்ஸ் என்று முதலமைச்சர் மு க ஸ்டாலின் கூறி வார்த்தையில் பதில் கூறி முடித்துள்ளார்.
மேலும் ஜனநாயகன் இணையத்தில் லீப் செய்ய பட்ட விவகாரத்தில் திமுகவும் முதல்வர் ஸ்டாலின் தான் காரணம் என்று ஆதவ் அர்ஜுனா குற்றம் சாட்டு இருந்தது குறித்த கேள்விக்கு , அதைப் பற்றி நான் அறியவில்லை. ஆதவ் அர்ஜுனா பற்றிய செய்திகளை நான் கேட்பது கிடையாது என்று முதலமைச்சர் மு க ஸ்டாலின் பதில் அளித்துள்ளார்.
தொடர்ந்து எப்போதும் திமுகவிற்கும் அதிமுகவிற்கும் தானே போட்டி தமிழ்நாட்டிற்கும் டெல்லிக்கும்தான் போட்டி என்று சொல்ல காரணம் என்ன என்று செய்தியாளர்கள் கேள்வி எழுப்பினர் அதிமுகவின் முகமூடியை போட்டுக் கொண்டுதானே பாஜக உள்ளே வருகிறது அதனால் தான் அதுதான் உண்மை என்று முதலமைச்சர் மு க ஸ்டாலின் பதில் அளித்தார்.