வெல்லிங்டன்,
இந்திய கிரிக்கெட் அணியின் தொடக்க வீரர் அபிஷேக் சர்மா ஐசிசி ஆண்கள் டி20 பேட்டிங் தரவரிசையில் மீண்டும் முதலிடத்தை பிடித்துள்ளார்.
35 பந்துகளில் சதம்
நியூசிலாந்துக்கு எதிராக வெல்லிங்டனில் நடைபெற்ற 3-வது டி20 போட்டியில், 199 ரன்கள் என்ற இலக்கை விரட்டிய இந்திய அணிக்காக அபிஷேக் சர்மா அதிரடியாக விளையாடினார். வெறும் 35 பந்துகளில் சதத்தை எட்டிய அவர், 38 பந்துகளில் 113 ரன்கள் குவித்தார். அவரது ஆட்டத்தில் 9 பவுண்டரிகளும் 11 சிக்ஸர்களும் அடங்கின.
அபிஷேக் சர்மாவின் அதிரடி ஆட்டத்தால் இந்திய அணி 13.2 ஓவர்களிலேயே இலக்கை எட்டியது. இதன் மூலம் நியூசிலாந்தை 6 விக்கெட்டுகள் வித்தியாசத்தில் வீழ்த்திய இந்திய அணி, ஐந்து போட்டிகள் கொண்ட டி20 தொடரை 3-0 என்ற கணக்கில் கைப்பற்றியது.
டி20 பேட்டிங் தரவரிசையில் முதலிடம்
இந்நிலையில், ஐசிசி ஆண்கள் டி20 பேட்டிங் தரவரிசையில் அபிஷேக் சர்மா 897 புள்ளிகளுடன் மீண்டும் முதலிடத்தை பிடித்துள்ளார். பாகிஸ்தான் வீரர் சாஹிப்சாதா பர்ஹான் 883 புள்ளிகளுடன் 2-வது இடத்திலும், இந்திய வீரர் இஷான் கிஷன் 866 புள்ளிகளுடன் 3-வது இடத்திலும் உள்ளனர்.
கேப்டன் ஸ்ரேயாஸ் ஐயர் 9-வது இடத்த்திலும், சஞ்சு சாம்சன் 6 இடங்கள் முன்னேறி 20-வது இடத்திலும் உள்ளனர்.
பந்துவீச்சாளர்
இந்திய பந்துவீச்சாளர்களில் அர்ஷ்தீப் சிங் 6 இடங்கள் முன்னேறி 15-வது இடத்தையும், அக்சர் படேல் 11-வது இடத்தையும் பிடித்துள்ளனர். தற்போதைய டாப் 10 வரிசையில் இந்திய பவுலர்கள் யாரும் இடம்பெறவில்லை.