கடந்த ஆண்டு அமெரிக்க அதிபர் ட்ரம்ப், “அந்தப் போரை நிறுத்தினேன்… இந்தப் போரை நிறுத்தினேன்… எனக்குத்தான் அமைதிக்கான நோபல் பரிசு தர வேண்டும்” என்று பலமுறை கூறிக்கொண்டிருந்தார்.
ஆனால், 2025-ம் ஆண்டிற்கான நோபல் அமைதிப் பரிசு கிடைத்தது என்னவோ வெனிசுலாவைச் சேர்ந்த மரியா கொரினா மச்சாடோவுக்குத்தான். இதில் ட்ரம்பிற்குக் கடும் அதிருப்தி.
இருந்தும் அமைதியை முன்னெடுக்கிறார் என்று மரியா ட்ரம்பிடமே அவருக்குக் கிடைத்த நோபல் பரிசைச் சமர்ப்பித்தார்.
ஆனாலும், ட்ரம்பிற்கு இன்னும் நோபல் பரிசு ஆசை விடவில்லை போலும்.
நாளை (அக்டோபர் 9) 2026-ம் ஆண்டிற்கான அமைதிக்கான நோபல் பரிசு அறிவிக்கப்பட உள்ளது.
இந்த நேரத்தில் நேற்று (அக்டோபர் 7) ட்ரம்ப் ஓவல் அலுவலகத்தில் செய்தியாளர்களிடம், “நோபல் பரிசு வரலாற்றிலேயே என்னை விட அதற்குத் தகுதியான நபர் வேறு யாருமே இருந்ததில்லை.
நான் எட்டுப் போர்களை முடிவுக்குக் கொண்டுவந்தேன். இந்த உலகமே ஒட்டுமொத்தமாக அழிந்துபோவதைத் தடுத்து நிறுத்தினேன்.
நோபல் அமைதிப் பரிசு வரலாற்றிலேயே என்னை விட அதற்குத் தகுதியான நபர் வேறு யாருமே இல்லை என்று மரியா கொரினா மச்சாடோ என்னிடம் கூறினார்” என்று பேசியுள்ளார்.