வெளியேறியது ரியல் மாட்ரிட்: சாம்பியன்ஸ் லீக் கால்பந்தில் ஏமாற்றம்

ஐரோப்பிய சாம்பியன்ஸ் லீக் கிளப் கால்பந்து 71வது சீசன் நடக்கிறது. இதன் காலிறுதியில் ரியல் மாட்ரிட் (ஸ்பெயின்), பேயர்ன் முனிக் (ஜெர்மனி) அணிகள் மோதின. மாட்ரிட் நகரில் நடந்த முதல் போட்டியில் பேயர்ன் முனிக் அணி 2-1 என வென்றது. முனிக் நகரில் நடந்த 2வது போட்டியில் பேயர்ன் முனிக் அணி 4-3 என வெற்றி பெற்றது. பேயர்ன் முனிக் சார்பில் ஹாரி கேன், ரியல் மாட்ரிட் அணிக்கு எம்பாப்வே தலா ஒரு கோல் அடித்தனர்.

இரண்டு போட்டிகளில் முடிவில் பேயர்ன் முனிக் அணி 6-4 (2-1, 4-3) என்ற கணக்கில் வெற்றி பெற்று அரையிறுதிக்கு முன்னேறியது.

மற்றொரு காலிறுதியில் ஸ்போர்டிங் லிஸ்பன் (போர்ச்சுகல்), ஆர்சனல் (இங்கிலாந்து) அணிகள் மோதின. முதல் போட்டியில் ஆர்சனல் அணி 1-0 என வென்றது. இரண்டாவது போட்டி கோல் எதுவுமின்றி ‘டிரா’ ஆனது. முடிவில் ஆர்சனல் அணி 1-0 என்ற கணக்கில் வெற்றி பெற்று அரையிறுதிக்குள் நுழைந்தது.

முதல் அரையிறுதியில் (ஏப். 28, மே 6), பாரிஸ் செயின்ட்-ஜெர்மைன் (பிரான்ஸ்) – பேயர்ன் முனிக் அணிகள் மோதுகின்றன. இரண்டாவது அரையிறுதியில் (ஏப். 29, மே 5) அத்லெடிகோ மாட்ரிட் (ஸ்பெயின்), ஆர்சனல் அணிகள் விளையாடுகின்றன.