பெங்களூரு அணியை வீழ்த்தி டெல்லி திரில் வெற்றி

பெங்களூரு,

ஐ.பி.எல். கிரிக்கெட்டில் இன்று மாலை பெங்களூரு சின்னசாமி ஸ்டேடியத்தில் நடைபெறும் லீக் ஆட்டத்தில் நடப்பு சாம்பியன் பெங்க ளூரு ராயல் சேலஞ்சர்ஸ் அணி, டெல்லி கேப்பிட்டல்சை எதிர்கொண்டது.

இந்த போட்டிக்கான டாஸ் போடப்பட்டது. அதில் டாஸ் வென்ற டெல்லி அணியின் கேப்டன் அக்சர் படேல் பந்துவீச்சை தேர்வு செய்தார். அதன்படி பெங்களுரு அணி முதலில் பேட்டிங் செய்தது .

தொடக்கம் முதல் பெங்களூரு அணி வீரர்கள் அதிரடியாக விளையாடினர். விராட் கோலி 19 ரன்களில் வெளியேறினார். பின்னர் வந்த படிக்கல் 18 ரன்களில் ஆட்டமிழந்தார். மறுபுறம் பில் சால்ட் சிறப்பாக விளையாடி ரன்கள் குவித்தார்.

பில் சால்ட் அரைசதமடித்து 63 ரன்களில் ஆட்டமிழந்தார். பின்னர் படிதார் 8 ரன்கள் , டிம் டேவிட் 26 ரன்கள் எடுத்தார்.இதனால் 20 ஓவர்கள் முடிவில் 8 விக்கெட் இழப்பிற்கு 175 ரன்கள் எடுத்தது.

தொடர்ந்து விளையாடிய டெல்லி அணியில் பதும் நிசங்கா 1 ரன்களில் ஆட்டமிழந்தார். கருண் நாயர் 5 ரன்களில் ஆட்டமிழந்தார்.

பின்னர் கே.எல்.ராகுல் , ஸ்டப்ஸ் இருவரும் சிறப்பாக விளையாடி ரன்கள் குவித்தனர். கே.எல்.ராகுல், ஸ்டப்ஸ் அரைசதம் அடித்தனர். கே.எல். ராகுல் 57 ரன்களில் வெளியேறினார். பின்னர் ஸ்டப்ஸ் கடைசி வரை போராடினார். அவருக்கு டேவிட் மில்லர் நன்கு ஒத்துழைப்பு கொடுத்தார்.

கடைசி ஓவரில் வெற்றிக்கு 15 ரன்கள் தேவைப்பட்ட நிலையில் மில்லர் 2 சிக்ஸர், ஒரு பவுண்டரி அடித்து வெற்றி பெற செய்தார்.இறுதியில் டெல்லி அணி 19.5 ஓவரில் 179 ரன்கள் எடுத்து வெற்றி பெற்றது. ஸ்டப்ஸ் 60 ரன்னும், மில்லர் 22 ரன்னும் எடுத்து ஆட்டமிழக்காமல் இருந்தனர்.