தீபாவளிக்கு முன்னதாக மத்திய அரசு தனது ஊழியர்களுக்கு ஒரு மகிழ்ச்சியான செய்தியை நேற்று வெளியிட்டது. நேற்று, அக்டோபர் 28 பிரதமர் நரேந்திர மோடி தலைமையிலான மத்திய அரசு அகவிலைப்படி மற்றும் அகவிலை நிவாரணத்தை 3 சதவீதம் உயர்த்துவதாக அறிவித்தது. இந்த அறிவிப்பின் மூலம் அரசு ஊழியர்கள் மற்றும் ஓய்வூதியதாரர்கள் பயனடைவார்கள். இதன்படி, அகவிலைப்படியானது அடிப்படை ஊதியத்தில் 60 சதவீதத்திலிருந்து 63 சதவீதமாக உயர்கிறது.
சம்பள உயர்வு எப்படி இருக்கும்?
ஒரு ஊழியரின் அடிப்படை ஊதியம் ரூ. 18,000 எனில், இந்த உயர்விற்குப் பிறகு அவர்களுக்கு மாதம் கூடுதலாக ரூ. 540 கிடைக்கும். அடிப்படை ஊதியம் ரூ. 56,100 ஆக உள்ள ஊழியருக்கு மாதம் ரூ. 1,683 கூடுதல் பலன் கிடைக்கும். இந்த 3 சதவீத அகவிலைப்படி உயர்வு என்பது ஊழியரின் அடிப்படை ஊதியத்தின் அடிப்படையில் கணக்கிடப்படுகிறது. உதாரணமாக, ரூ. 30,000 அடிப்படை ஊதியம் பெறும் ஊழியருக்கு மாதம் கூடுதலாக ரூ. 900 கிடைக்கும்; அதேபோல, ரூ. 40,000 அடிப்படை ஊதியம் பெறுபவர்களுக்கு ரூ. 1,200 உயர்வு கிடைக்கும்.
எத்தனை பேர் பயனடைவார்கள்?
அகவிலைப்படியில் செய்யப்பட்டுள்ள இந்த 3 சதவீத உயர்வால் 1.17 கோடிக்கும் அதிகமான மத்திய அரசு ஊழியர்கள் மற்றும் ஓய்வூதியதாரர்கள் பயனடைவார்கள். மத்திய தகவல் மற்றும் ஒலிபரப்புத்துறை அமைச்சர் அஸ்வினி வைஷ்ணவ் இந்த அறிவிப்பை வெளியிட்டார். பிரதமர் மோடி தலைமையிலான மத்திய அமைச்சரவை, தீபாவளிக்கு முன்னதாக அகவிலைப்படியையும் அகவிலை நிவாரணத்தையும் உயர்த்த முடிவு செய்துள்ளதாக அவர் தெரிவித்தார். இந்த உயர்வு 2026 ஜூலை 1 முதல் அமலுக்கு வருகிறது. இந்த முடிவின் மூலம் 48.54 லட்சம் ஊழியர்களும், 68.71 லட்சம் ஓய்வூதியதாரர்களும் பயனடைவார்கள்.
நிலை 1 முதல் 17 வரையிலான பட்டியல்!
நிலை 1 ஊழியர்கள் – ரூ. 540
நிலை 2 ஊழியர்கள் – ரூ. 597
நிலை 3 ஊழியர்கள் – ரூ. 651
நிலை 4 ஊழியர்கள் – ரூ. 765
நிலை 5 ஊழியர்கள் – ரூ. 876
நிலை 6 ஊழியர்கள் – ரூ. 1,062
நிலை 7 ஊழியர்கள் – ரூ. 1,347
நிலை 8 ஊழியர்கள் – ரூ. 1,428
நிலை 9 ஊழியர்கள் – ரூ. 1,593
நிலை 10 ஊழியர்கள் – ரூ. 1,683
நிலை 11 ஊழியர்கள் – ரூ. 2,031
நிலை 12 ஊழியர்கள் – ரூ. 2,364
நிலை 13 ஊழியர்கள் – ரூ. 3,693
நிலை 14 ஊழியர்கள் – ரூ. 4,326
நிலை 17 ஊழியர்கள் – ரூ. 6,750