வீட்டில் இருந்து பிரிந்து தனி குடும்பமாக வாழ்வபர்கள் புதிதாக ரேஷன் கார்டு வாங்குவது எப்படி என்றும், அதற்கு என்னென்ன ஆவணங்கள் தேவை என்றும் இங்கே பார்க்கலாம்.
சில நேரங்களில் குடும்பச் சூழ்நிலைகள், கருத்து வேறுபாடு அல்லது சண்டை காரணமாக, ஒரு நபர் தனது குடும்பத்தை விட்டு பிரிந்து செல்ல வேண்டிய கட்டாயம் ஏற்படும். அந்த நபர் அரசுத் திட்டங்களின் பலன்களைப் பெற அல்லது புதிய எரிவாயு இணைப்பு போன்ற முக்கியமான தேவைகளுக்கு தனியாக ரேஷன் கார்டு தேவைப்படும்போதுதான் பிரச்சனை எழுகிறது.
ஒருவேளை நீங்களும் இதே போன்ற சூழ்நிலையை எதிர்கொண்டு, உங்களுக்கென்று ஒரு தனி ரேஷன் கார்டைப் பெற விரும்பினால் அது சாத்தியம்தான். சட்டப்பூர்வமாக, நீங்கள் உங்கள் குடும்பத்தினரிடமிருந்து பிரிந்து தனியாக வசித்து, தனி சமையலறை மற்றும் மாதாந்திரச் செலவுகளைக் கொண்டிருந்தால் மட்டுமே புதிய ரேஷன் கார்டைப் பெற முடியும்.
பழைய ரேஷன் கார்டில் இருந்து உங்கள் பெயரை நீக்க வேண்டும்!
தனி ரேஷன் கார்டு பெறுவதற்கான முதல் மற்றும் மிக முக்கியமான நிபந்தனை, பழைய (பெற்றோர் அல்லது கூட்டுத் குடும்ப) ரேஷன் கார்டில் உங்கள் பெயர் இருக்கக்கூடாது. இதற்கு, நீங்கள் உங்களுக்கு அருகிலுள்ள பொது சேவை மையத்திற்கு அல்லது உணவு வழங்கல் துறை அலுவலகத்திற்குச் சென்று பெயர் நீக்கப் படிவத்தை நிரப்ப வேண்டும். அந்தப் படிவத்துடன் உங்கள் ஆதார் கார்டு, பழைய ரேஷன் கார்டின் நகல் மற்றும் பெயர் நீக்கம் செய்வதற்கான காரணத்தைக் குறிப்பிடும் விண்ணப்பக் கடிதம் ஆகியவற்றைச் சமர்ப்பிக்க வேண்டும். இந்த செயல்முறை முடிந்ததும் உணவு வழங்கல் துறை உங்களுக்கு ஒரு ‘ஒப்படைப்புச் சான்றிதழ்’ அல்லது அதற்கான சீட்டை வழங்கும். இதை மிகவும் பத்திரமாக வைத்திருக்க வேண்டும்.
புதிய ரேஷன் கார்டுக்கு விண்ணப்பிப்பது எப்படி?
பெயர் நீக்கப்பட்டதற்கான சான்றிதழ் கிடைத்தவுடன், நீங்கள் புதிய ரேஷன் கார்டுக்கு விண்ணப்பிக்கலாம். இதைச் செய்ய இரண்டு எளிய வழிகள் உள்ளன. முதலில் ஆன்லைன் இணையதளம். மாநிலத்தின் உணவு மற்றும் நுகர்வோர் பாதுகாப்புத் துறையின் அதிகாரப்பூர்வ இணையதளத்திற்குச் சென்று விண்ணப்பிக்கலாம். அடுத்து உமாங் (UMANG) செயலி மூலமாகவும் விண்ணப்பிக்கலாம். இந்திய அரசின் உமாங் செயலியை உங்கள் மொபைலில் பதிவிறக்கம் செய்து, வீட்டிலிருந்தபடியே ஆன்லைனில் புதிய ரேஷன் கார்டுக்கு விண்ணப்பிக்கலாம். இதில், நீங்கள் ஒரு தனி குடும்பமாக உங்கள் தனிப்பட்ட விவரங்கள் அனைத்தையும் நிரப்ப வேண்டும்.
தேவையான ஆவணங்கள்!
புதிய ரேஷன் கார்டுக்கு விண்ணப்பிக்கும் போது உங்களுக்கு பின்வரும் ஆவணங்கள் தேவைப்படும்: உங்களுடன் வசிக்கும் உங்கள் குடும்ப உறுப்பினர்களின் ஆதார் கார்டு. புதிய மற்றும் மாறுபட்ட முகவரிச் சான்று (உங்கள் பெயரில் உள்ள மின்சாரம் அல்லது குடிநீர் கட்டண ரசீது போன்றவை) உங்கள் வருமானச் சான்றிதழ். குடும்பத் தலைவரின் பாஸ்போர்ட் அளவு புகைப்படம். வங்கி கணக்கு புத்தகத்தின் நகல். பழைய ரேஷன் கார்டில் இருந்து பெயர் நீக்கப்பட்டதற்கான ஒப்படைப்புச் சீட்டு.
அதிகாரிகள் சரிபார்ப்பு!
நீங்கள் ஆன்லைன் படிவம் மற்றும் ஆவணங்களைச் சமர்ப்பித்த பிறகு உணவு வழங்கல் துறையின் அதிகாரி உங்கள் வீட்டு முகவரிக்கு வருவார். நீங்கள் உங்கள் குடும்பத்திலிருந்து தனியாக வாழ்கிறீர்களா, உங்கள் சமையலறை மற்றும் செலவுகள் தனித்தனியாக உள்ளதா என்பதை அவர்கள் நேரில் சரிபார்ப்பார்கள். அதிகாரியின் அறிக்கை அனைத்தையும் உறுதி செய்தவுடன் உங்களது புதிய ரேஷன் கார்டு அங்கீகரிக்கப்பட்டு வழங்கப்படும்.
Source link