இந்தியாவின் மருத்துவக் கல்வி வரலாற்றில் மிக மோசமான விவாதப் பொருளாக மாறியுள்ள நீட் (NEET-UG 2026) வினாத்தாள் கசிவு விவகாரம், தற்போது இந்திய அரசியலிலும் மாணவர் அமைப்புகளிடையேயும் மிகப்பெரிய புயலைக் கிளப்பியுள்ளது.
நாடு தழுவிய தொடர் போராட்டங்கள் மற்றும் வலுத்து வந்த மக்கள் அழுத்தத்தின் காரணமாக, மத்திய கல்வி அமைச்சர் தர்மேந்திர பிரதான் இன்று (25.07.2026) தனது பதவியை ராஜினாமா செய்துள்ளார்.இருப்பினும், இந்த ராஜினாமாவை போராட்டத்தின் முதல் வெற்றியாக மட்டுமே கருதும் மாணவர் அமைப்புகள், தங்களின் மற்ற முக்கிய கோரிக்கைகள் நிறைவேறும் வரை ஜந்தர் மந்தர் போராட்டக் களத்தை விட்டு நகரப் போவதில்லை என்று திட்டவட்டமாக அறிவித்துள்ளன.
கல்வி அமைச்சர் தர்மேந்திர பிரதான் ராஜினாமா: பின்னணி என்ன?
கடந்த சில வாரங்களாகவே, தேசிய தேர்வு முகமை (NTA) நடத்திய நீட் தேர்வில் வினாத்தாள் கசிவு மற்றும் முறைகேடுகள் நடந்ததாகக் கூறி நாடு முழுவதும் லட்சக்கணக்கான மாணவர்கள் மற்றும் பெற்றோர் வீதியில் இறங்கிப் போராடி வந்தனர். சிபிஐ (CBI) விசாரணையில் பல அதிர்ச்சி ஊட்டும் முறைகேடுகள் வெளிவந்ததை அடுத்து, கல்வி அமைச்சரின் பதவி விலகலுக்கு எதிர்க்கட்சிகளும், மாணவர் இயக்கங்களும் தீவிர அழுத்தம் கொடுத்தன.
இன்று ஜந்தர் மந்தரில் அரசுடனான பேச்சுவார்த்தைக்கு முன்னதாக, தர்மேந்திர பிரதான் தனது ராஜினாமா கடிதத்தை பிரதமர் நரேந்திர மோடிக்கு அனுப்பியுள்ளார். “மாணவர்களின் எதிர்காலமும் ஜனநாயகத்தின் மீதான நம்பிக்கையும் தான் முக்கியம்” என்று குறிப்பிட்டு அவர் பதவி விலகியுள்ளார்.
பிரதான் ராஜினாமா செய்தாலும் போராட்டம் ஓயாது – CJP தலைவர் அபிஜித் தீப்கே
கல்வி அமைச்சரின் ராஜினாமாவைத் தொடர்ந்து, டெல்லியில் போராட்டத்தை முன்னெடுத்து வரும் காக்கரோச் ஜனதா கட்சி (CJP – Cockroach Janta Party) மாணவர் இயக்கத்தின் நிறுவனர் அபிஜித் தீப்கே (Abhijit Deepke) தங்களின் அடுத்தகட்ட அதிரடி முடிவை அறிவித்துள்ளார். நாம் நினைத்ததைச் செய்து காட்டிவிட்டோம். கல்வி அமைச்சர் ராஜினாமா செய்திருந்தாலும், மாணவர்களுக்கான முழுமையான நீதி இன்னும் கிடைக்கவில்லை. இன்னும் இரண்டு முக்கிய கோரிக்கைகள் பாக்கி உள்ளன. அவை நிறைவேறும் வரை எங்களது போராட்டம் ஓயாது என்று குறிப்பிட்டுள்ளார்.
மாணவர் அமைப்பின் 2 முக்கிய கோரிக்கைகள்
அபிஜித் தீப்கே தலைமையிலான CJP இயக்கம் முன்வைத்துள்ள அந்த இரண்டு மிக முக்கியமான கோரிக்கைகள் இதோ தற்கொலை செய்துகொண்ட மாணவர் குடும்பங்களுக்கு ₹1 கோடி இழப்பீடு:வினாத்தாள் கசிவு மற்றும் தேர்வு முறைகேடுகளால் கடுமையான மன உளைச்சலுக்கு ஆளாகி, தங்களின் இன்னுயிரை மாய்த்துக்கொண்ட மாணவர்களின் குடும்பங்களுக்கு மத்திய அரசு தலா ரூ. 1 கோடி இழப்பீடு மற்றும் நிதியுதவி வழங்க வேண்டும். மாணவர்கள் மீதான வழக்குகள் வாபஸ் & போலீசார் மீது நடவடிக்கை- கடந்த சில நாட்களாக அமைதியான முறையில் போராடிய மாணவர்கள் மீது காட்டுமிராண்டித்தனமாகத் தாக்குதல் நடத்திய காவல்துறை அதிகாரிகள் மீது கடுமையான துறை ரீதியான நடவடிக்கை எடுக்கப்பட வேண்டும். மேலும், போராட்டத்தில் பங்கேற்ற அப்பாவி மாணவர்கள் மீது காவல்துறை போட்டுள்ள அனைத்து பொய் வழக்குகளையும் நிபந்தனையின்றி உடனடியாக வாபஸ் பெற வேண்டும்.இந்தியாவின் கல்வித் துறையில் ஏற்பட்டுள்ள இந்த மாபெரும் முறைகேடு, தேர்வு நடத்தும் முறைகளின் மீதான நம்பகத்தன்மையைக் கேள்விக்குறியாக்கியுள்ளது. தர்மேந்திர பிரதானின் ராஜினாமா மாணவர்களின் போராட்டத்திற்குப் கிடைத்த ஒரு தற்காலிக வெற்றியாகப் பார்க்கப்பட்டாலும், பாதிக்கப்பட்ட மாணவர் குடும்பங்களுக்கான நீதியும், மாணவர்கள் மீதான அநீதிகளுக்கு எதிரான நடவடிக்கைகளும் கிடைக்கும் வரை இந்த விவகாரம் ஓயாது என்றே தோன்றுகிறது.
Source link