திருப்பதி ஏழுமலையான் கோயிலில் தமிழக தொழில்துறை அமைச்சர் கீர்த்தனா, குடும்பத்துடன் சாமி தரிசனம் செய்தார்.
ஆந்திரா மாநிலம், திருப்பதியில் உள்ள ஏழுமலையான் கோயிலுக்கு நாள்தோறும் பல்லாயிரக்கணக்கான பக்தர்கள் வந்து செல்வது வழக்கம். அதே போல, இந்த கோயிலுக்குப் பிற மாநிலங்களைச் சேர்ந்த பக்தர்கள் மட்டுமல்லாமல் நடிகர்கள், தொழிலதிபர்கள் மற்றும் அரசியல் தலைவர்கள் எனப் பலரும் வருகை தருவதுண்டு. அந்த வகையில், நேற்று (20-10-26) தமிழக தொழில்துறை அமைச்சர் கீர்த்தனா, தனது குடும்பத்துடன் ஏழுமலையான் கோயிலுக்கு வருகை தந்தார்.
அப்போது, கோயில் நிர்வாகம் சார்பில் அவருக்குச் சிறப்பான வரவேற்பு அளிக்கப்பட்டது. இதையடுத்து, கோயிலுக்குச் சென்று சாமி தரிசனம் செய்த அவருக்கு, கோவில் வளாகத்தில் உள்ள ரங்கநாயக மண்டபத்தில் தேவஸ்தானம் சார்பில் தீர்த்தப் பிரசாதங்கள் வழங்கப்பட்டன.
திருப்பதி, திருமலையில் உள்ள இந்த ஏழுமலையான் கோயில் உலகப் பிரசித்தி பெற்றதாகும். எனவே, நாடு முழுவதும் இருந்து ஏராளமான பக்தர்கள், தொழிலதிபர்கள், அரசியல் தலைவர்கள் மற்றும் திரைப்பிரபலங்கள் எனப் பலரும் இந்த கோயிலுக்கு வருகை தருவது வழக்கமான ஒன்றாக உள்ளது.