பயங்கர ஆயுதங்களை வைத்து பூஜை செய்த ஆர்.எஸ்.எஸ். அமைப்பினர். இந்நிலையில் ஆர்.எஸ்.எஸ். பேரணி அனுமதியை எதிர்த்து முதல்வர் விஜய்யின் தவெக அரசு ஏன் வழக்கு தொடுக்கவில்லை? – விசிக சங்கத்தமிழன் கேள்வி எழுப்பியுள்ளார்.
இந்தியா முழுவதும் ஆர்.எஸ்.எஸ். பேரணி நடைபெறும். அவ்வகையில் தமிழகத்தில் ஆர்.எஸ்.எஸ். பேரணி நடத்த உச்ச நீதிமன்றம் உத்தரவு அளித்துள்ளது. இந்நிலையில் மகாராஷ்டிரா, நாக்பூரில் ஆர்.எஸ்.எஸ். அமைப்பின் தொடக்க நாளை முன்னிட்டு அதே பட்டாக்கத்தி, வீச்சரிவாள், துப்பாக்கி போன்ற வன்முறைக்கான ஆயுதங்களை வைத்து நிகழ்ச்சி நடத்தப்படுகிறது. இதற்கு ஏன் வழக்குப்பதிவு செய்யப்படவில்லை எனவும், மேலும் தமிழகத்தில் உருட்டுக்கட்டைகளுடன் உச்ச நீதிமன்றம் பேரணி நடத்த அனுமதி அளித்ததை எதிர்த்து ஏன் முதல்வர் விஜய்யின் தவெக அரசு வழக்கு தொடரவில்லை எனவும் கேள்வி எழுப்பியுள்ளார்.
உயர்நீதிமன்ற உத்தரவு
ஆர்.எஸ்.எஸ். அமைப்பின் நிறுவன தினத்தை முன்னிட்டு தமிழகம் முழுவதும் 128 இடங்களில் அக்டோபர் 18 ஆம் தேதி, அக்டோபர் 25 ஆம் தேதி மற்றும் நவம்பர் 1 ஆம் தேதி ஆகிய நாட்களில் ஏதேனும் ஒரு நாளில் அணிவகுப்பு ஊர்வலம் நடத்த அனுமதிக்கக் கோரி ஆர்.எஸ்.எஸ். அமைப்பின் மாநிலச் செயலாளர் ஜெகதீசன் சென்னை உயர் நீதிமன்றத்தில் வழக்கு தொடர்ந்தார்.
இந்த வழக்கு நீதிபதி வி. லட்சுமி நாராயணன் முன்பு மீண்டும் விசாரணைக்கு வந்தது. அப்போது, அக்டோபர் 25 ஆம் தேதி மற்றும் நவம்பர் 1 ஆம் தேதி ஆகிய நாட்களில் அணிவகுப்பு நடத்த அனுமதி வழங்கப்படும் என தமிழக அரசு தரப்பில் தெரிவிக்கப்பட்டது. ஏற்கெனவே உயர் நீதிமன்றம் வகுத்த விதிமுறைகள் கடைப்பிடிக்கப்படும் என ஆர்.எஸ்.எஸ். தரப்பிலும் உத்தரவாதம் அளிக்கப்பட்டது.
சங்கத்தமிழன் அறிக்கை
சனநாயக நாட்டில் பட்டாக்கத்தி ஆயுதங்களை வைத்து பூஜை செய்வதா? என கேள்வி எழுப்பிய அவர், ரவுடிகள் பட்டாக்கத்தியுடன் கேக் வெட்டி பிறந்தநாள் கொண்டாடுபவர்கள் மீது வழக்குப்பதிவு செய்யப்படுகிறது. ஆனால் மகாராஷ்டிரா, நாக்பூரில் ஆர்.எஸ்.எஸ். அமைப்பின் தொடக்க நாளை முன்னிட்டு அதே பட்டாக்கத்தி, வீச்சரிவாள், துப்பாக்கி போன்ற வன்முறைக்கான ஆயுதங்களை வைத்து நிகழ்ச்சி நடத்தப்படுகிறது என விமர்சித்துள்ளார்.
ஐஎஸ்ஐஎஸ் -ஆர்எஸ்எஸ்ற்கும் என்ன வேறுபாடு?
இதற்கு ஏன் வழக்குப்பதிவு செய்யப்படவில்லை எனவும், பிறந்தநாள் கொண்டாட்டத்திற்கு ஒரு நீதி, ஆர்.எஸ்.எஸ். நிகழ்ச்சிக்கு இன்னொரு நீதியா எனவும் கேள்வி எழுப்பியுள்ளார். இந்தியச் சட்டங்களின் கீழ் பதிவு செய்யப்படாத ஒரு அமைப்பு வன்முறைக்கான ஆயுதங்களை வைத்திருப்பதற்கு அரசு அனுமதி அளித்துள்ளதா? ஐ.எஸ்.ஐ.எஸ். அமைப்பிற்கும் ரவுடி கும்பல்களுக்கும் ஆர்.எஸ்.எஸ்ற்கும் என்ன வேறுபாடு? எனவும் கேள்வி எழுப்பியுள்ளார்.
தமிழக அரசு ஏன் வழக்கு தொடுக்கவில்லை?
தமிழகத்தில் கம்புகள், அதாவது உருட்டுக்கட்டையுடன் ஆர்.எஸ்.எஸ். அணிவகுப்பு நடத்துவதற்கு நீதிமன்றம் எப்படி அனுமதி வழங்குகிறது? அதை விஜய் தலைமையில் ஆட்சி புரிகிற தமிழக அரசு எதிர்த்து ஏன் வழக்கு தொடுக்கவில்லை எனவும் அவர் கேள்வி எழுப்பியுள்ளார்.
தவெகவுடன் நட்பு பாராட்டி வரும் சங்கத்தமிழன்
கடந்த தேர்தலுக்கு பிறகு விசிக தவெக கூட்டணி அமைந்தது. அதனைத் தொடர்ந்து சங்கத்தமிழன் பல இடங்களில் திமுக மற்றும் திமுகவின் முந்தைய ஆட்சி செயல்பாடுகளை விமர்சித்து வருகிறார். மேலும் தவெக அரசின் செயல்பாடுகள், இடைத்தேர்தல் என பல இடங்களில் தவெக அரசுக்கு ஆதரவாக கருத்துக்களை தெரிவித்து வருகிறார். இந்நிலையில் ஆர்எஸ்எஸ் பேரணி குறித்து தற்போது அவர் கேள்வி எழுப்பியுள்ளது குறிப்பிடத்தக்கது.
Source link