தமிழ் திரையுலகில் பிரபல நடிகையும் பாடகியுமான ஆண்ட்ரியா, நடிகர் சிலம்பரசன் உடன் எடுத்துக்கொண்ட புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார். இந்த புகைப்படம் தற்போது சமூக வலைதளங்களில் வைரலாகி ரசிகர்களின் கவனத்தை ஈர்த்து வருகிறது.
ஜெர்மனியில் நடைபெற்ற இந்த எதிர்பாராத சந்திப்பை “#Arasan Reunion in Germany” என்ற ஹேஷ்டேக்குடன் அவர் பதிவிட்டுள்ளார். ஆண்ட்ரியாவின் இந்த இன்ஸ்டாகிராம் பதிவு, ‘அரசன்’ படக் குழுவினர் மீண்டும் இணைந்ததை உணர்த்தும் வகையில் அமைந்துள்ளது. சிம்பு மற்றும் ஆண்ட்ரியா இணைந்துள்ள இந்த அழகிய புகைப்படம், இருவரின் ரசிகர்களாலும் இணையத்தில் பெருமளவில் பகிரப்பட்டு லைக்குகளைக் குவித்து வருகிறது.