தேவா இறுதி ஊர்வலம்: பிரபல இசையமைப்பாளரான தேவா நேற்று காலை மாரடைப்பால் மரணம் அடைந்தார். இதையடுத்து சென்னை தி. நகரில் இருக்கும் இல்லத்திற்கு கொண்டு வரப்பட்ட தேவாவின் உடலுக்கு முதல்வர் ஜோசப் விஜய், சூப்பர் ஸ்டார் விஜயகாந்த் என பலரும் இறுதி அஞ்சலி செலுத்தினார்கள்.
தேவாவின் இறுதிச் சடங்கு அரசு மரியாதையுடன் நடக்கும் என விஜய் தலைமையிலான அரசு அறிவித்தது. தேவாவின் உடல் இன்று மதியம் சென்னையில் இருந்து ராணிப்பேட்டை மாவட்டம் ஆற்காடு அருகே இருக்கும் அவரின் சொந்த ஊரான சக்கரமல்லூர் கிராமத்திற்கு எடுத்துச் செல்லப்பட்டது.
தேவா இறுதிச்சடங்கு: அந்த வாகனம் சென்ற வழியில் பொதுமக்கள் சாலையோரமாக நின்று மலர் தூவி கண்ணீர் அஞ்சலி செலுத்தினார்கள். இதையடுத்து சொந்த ஊரில் இருக்கும் பண்ணை வீட்டுக்கு அவரின் உடல் கொண்டு செல்லப்பட்டது. அங்கு அரசு மரியாதையுடன் அவரின் உடல் நல்லடக்கம் செய்யப்பட்டது. இறுதிச் சடங்கில் கிராமத்து மக்கள் கலந்து கொண்டு தங்கள் மன்னின் மைந்தனை வழியனுப்பி வைத்தார்கள்.
ஹிப்ஹாப் தமிழா ஆதியின் மீசைய முறுக்கு 2 படத்தின் வெற்றிக் கொண்டாட்டம் தான் தேவா கலந்து கொண்ட கடைசி நிகழ்ச்சி ஆகும். என் பேரன் ஆதியின் ரசிகன் என அவர் சிரித்த முகமாக பேசியது இன்னும் கண்ணுக்குள்ளேயே இருக்கும் நிலையில் தேவா இப்படி திடீரென்று இறந்ததை ஏற்க பலரும் திணறுகிறார்கள்.
சொந்த ஊர் பாசம்: கெரியர் காரணமாக பல ஆண்டுகளாக குடும்பத்துடன் சென்னையில் வசித்து வந்தாலும் வருடத்திற்கு ஒரு முறையாவது சொந்த ஊருக்கு சென்றுவிடுவார் தேவா. அந்த ஊரில் இருக்கும் அருள்மிகு மகாபலி அம்மன் கோவிலுக்கு வந்து சாமி கும்பிட்டுவிடுவார் தேவா என்று அவரின் உறவினர்கள் தெரிவித்துள்ளனர்.
தேவா எங்கள் ஊர் மைந்தன் என கிராமத்து மக்கள் கொண்டாடுகிறார்கள். தன் சொந்த செலவில் ஸ்ரீ ரங்கநாதர் கோவில் கட்டிக் கொடுத்ததை கிராமத்து மக்கள் மறக்கவில்லை. மேலும் சக்கரமல்லூரில் இருக்கும் தன் நிலத்தை உறவினர்கள் வீடு கட்டி வசதியாக வாழ கொடுத்தவர் தேவா. தன் ஊரில் எந்த திருவிழாவாக இருந்தாலும் அழைத்தால் உடனே வந்துவிடுவார் தேவா என சக்கரமல்லூர் மக்கள் பெருமையாக பேசுகிறார்கள்.
இசையமைப்பாளர் கனவு: ஹார்மோனியம் வாசிக்கத் தெரிந்த தேவாவுக்கு சென்னைக்கு சென்று பெரிய இசையமைப்பாளர் ஆக வேண்டும் என்கிற ஆசை. அந்த ஆசையில் தன் நான்கு தம்பிகளுடன் தலைநகருக்கு வந்தவர் ரொம்பவே கஷ்டப்பட்டிருக்கிறார். பொதுப்பணித் துறை வேலையை வேண்டாம் என்று சொல்லிவிட்டு வந்துஉடன் பிறப்புகளுடன் படாதபாடு பட்டுத் தான் தன் கனவை நிறைவேற்றிக் கொண்டார்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள்
அப்படி கஷ்டப்பட்ட காலத்தில் தனக்கு நடந்த கொடுமை எதிரிக்கு கூட நடக்கக் கூடாது என வேண்டிய நல்ல உள்ளம் கொண்டவர் அவர். கெரியரின் உச்சத்தில் இருந்தபோது கூட தான் பெரிய சாதனை படைத்துவிட்டோம் என்று சிறிதும் தலைக்கனம் இல்லாமல் இருந்த அடக்கமான மனிதர் தேவா.
Source link