பெருவெள்ளத்தால் 1,300-க்கும் மேற்பட்டோர் உயிரிழந்த சோகத்திலிருந்து மீண்டு வரும் நேபாள நாட்டில் நள்ளிரவில் மீண்டும் நிலநடுக்கம் ஏற்பட்டது.5.0 ரிக்டர் அளவிலான நிலநடுக்கம் செவ்வாய்க்கிழமை இரவு 9:38 மணியளவில் பதிவானது. காத்மாண்டுவிலிருந்து வடமேற்கே சுமார் 196 கி.மீ தொலைவில் பூமிக்கு அடியில் 143 கி.மீ ஆழத்தில் மையம் கொண்டிருந்ததாக நில அதிர்வு அறிக்கைகள் தெரிவிக்கின்றன.
கடந்த ஆகஸ்ட் 26 அன்று நேபாள-சீனா எல்லையில் ஏற்பட்ட பனிப்பாறை சரிவு காரணமாகத் திரிசூலி பள்ளத்தாக்கில் பயங்கரமான திடீர் வெள்ளப்பெருக்கு ஏற்பட்டது. இந்த இயற்கைப் பேரழிவால் வீடுகள், சாலைகள், பாலங்கள் மற்றும் நீர்மின் கட்டமைப்புகள் கடுமையாகச் சேதமடைந்த நிலையில், மீட்புப் பணிகள் தொடர்ந்து தீவிரமாக நடைபெற்று வருகின்றன.
நேபாளத்தின் பேரிடர் மேலாண்மைத்துறை வெளியிட்டுள்ள தகவலின்படி, செவ்வாய்க்கிழமை வரை வெள்ளத்தில் சிக்கி உயிரிழந்தவர்களின் எண்ணிக்கை 1,357 ஆக உயர்ந்துள்ளது. மேலும், இடிபாடுகள் மற்றும் வெள்ளத்தில் மாயமான 5,326 பேரைத் தேடும் பணியும், இதுவரை 13,583 பேரைப் பாதுகாப்பாக மீட்கும் நடவடிக்கைகளும் முடுக்கிவிடப்பட்டுள்ளன.
குறிப்பாக, நீர்மின் திட்டங்களின் நிலத்தடிச் சுரங்கங்களில் தொழிலாளர்கள் சிக்கியிருக்கலாம் என்ற அச்சம் நிலவுவதால், மீட்புக் குழுவினர் அங்கு தீவிரக் கவனம் செலுத்தி வருகின்றனர். சேதமடைந்த சாலைகள் மற்றும் கடினமான நிலப்பரப்பு மீட்புப் பணிகளுக்குப் பெரும் சவாலாக அமைந்துள்ள நிலையில், நிலநடுக்கமும் சேர்ந்துள்ளதால் நேபாளத்தில் தொடர் அச்சமும் எச்சரிக்கை நிலையும் நீடிக்கிறது.
Next Post
Wed Sep 9 , 2026
தமிழகத்தில் நடைபெற்று முடிந்த சட்டப்பேரவை தேர்தலில் தவெக 108 தொகுதிகளை கைப்பற்றி, தனிப்பெரும்பான்மை இல்லாத சூழலில் காங்கிரஸ் (5 இடங்கள்), விசிக, ஐயூஎம்எல் மற்றும் இடதுசாரி கட்சிகளின் ஆதரவோடு கூட்டணி அரசை அமைத்தது. இந்நிலையில், தவெக அரசுக்கு ஆதரவு அளித்து வரும் கூட்டணிக் கட்சிகளின் 2-வது ஆலோசனைக் கூட்டம் சென்னையில் இன்று (செப். 9) நடைபெற உள்ளது. இக்கூட்டத்தில் பங்கேற்குமாறு காங்கிரஸ், விடுதலைச் சிறுத்தைகள் கட்சி, இந்திய யூனியன் முஸ்லிம் […]
