பூடான்: பூடானில் உள்ள பனிமலை ஏரியில் ஏற்பட்ட திடீர் வெடிப்பு காரணமாக, கீழ்மட்டப் பகுதிகளில் வசிக்கும் மக்களுக்காக வெள்ள அபாய எச்சரிக்கையும், அவசர கால வெளியேற்ற அறிவிப்புகளும் வெளியிடப்பட்டுள்ளன. இதனால் மேற்கு வங்கம் மற்றும் அசாம் மாநிலங்களில் பாதுகாப்பு நடவடிக்கைகள் தீவிரப்படுத்தப்பட்டுள்ளன.
ஏரி வெடிப்பின் பின்னணி:
பூடானின் கசா மாவட்டத்தில் உள்ள லயா கெவுக், லூங்கோ பகுதியில் உள்ள வாகிலா மலைக்கு கீழே அமைந்துள்ள ஷிந்தாபு ஏரியில் வியாழக்கிழமை மாலையில் இந்த பனிமலை ஏரி வெடிப்பு வெள்ளப்பெருக்கு ஏற்பட்டுள்ளது. இது இந்தியப் பகுதிக்குள் பாய்ந்து வரும் அபாயத்தை ஏற்படுத்தியுள்ளது.
ஷிந்தாபு ஏரியானது பூடானின் 17 ஆபத்தான பனிமலை ஏரிகளில் ஒன்றாகும். இந்த ஏரியின் நீர் புனாட்சங்ச்சு நதிப் படுகையில் அமைந்துள்ளது. இந்த நதியே இந்தியாவுக்குள் நுழைந்தவுடன் சங்கோஷ் நதி என்று அழைக்கப்படுகிறது.
சிறப்பு வெள்ள எச்சரிக்கை:
பூடானில் இருந்து வரும் நீரின் அளவு திடீரென அதிகரிக்கக்கூடும் என்பதால், மத்தியஅரசு மேற்கு வங்கம் மற்றும் அசாம் மாநிலங்களுக்கு சிறப்பு எச்சரிக்கை விப்புகளையும் அறிவுறுத்தல்களையும் வழங்கியுள்ளது:
பாதிக்கப்படக்கூடிய மாவட்டங்கள்:அசாமின் துப்ரி மாவட்டம் மற்றும் மேற்கு வங்கத்தின் டார்ஜிலிங் மலைப்பகுதிகள், அலிபூர்சிவார் , ஜல்பாய்குரி மற்றும் கூச் பெஹார் மாவட்டங்கள் உஷார் நிலையில் வைக்கப்பட்டுள்ளன.
விரைவான மீட்புக் குழுக்கள்: தேசிய பேரிடர் மீட்புப் படை மற்றும் மாநில பேரிடர் மீட்புப் படை குழுவினர், மேற்கு வங்கம் – அசாம் எல்லையை ஒட்டியுள்ள சங்கோஷ் நதிக்கரைப் பகுதிகளான துப்கஞ்ச் மற்றும் பாக்ஷிஹாட் ஆகிய இடங்களில் அவசரகாலப் பணிகளுக்காகக் குவிக்கப்பட்டுள்ளனர். வெள்ளநீர் இந்தியா – பூடான் எல்லையை அடைய 6 முதல் 8 மணி நேரம் ஆகும் என மதிப்பிடப்பட்டு, அதிகாரிகள் நிலைமையை உன்னிப்பாகக் கண்காணித்து வருகின்றனர்.
சங்கோஷ் நதியில் நீரின் அளவு திடீரென உயர்வது riverside குடியிருப்புகள், கால்நடைகள், விவசாய நிலங்கள் மற்றும் உள்கட்டமைப்புகளுக்கு கடுமையான அச்சுறுத்தலாக அமையலாம் என்பதால், அப்பகுதி மக்கள் மாவட்ட நிர்வாகத்துடன் முழுமையாக ஒத்துழைக்குமாறு கேட்டுக்கொள்ளப்பட்டுள்ளனர்