Written by:அபூர்வா விஸ்வநாத்
சி.ஜே.பி போராட்டம் முடிவடைந்த சில நாட்களுக்குப் பிறகு, ஜந்தர் மந்தரில் போராட்டத்தில் ஈடுபட்டவர்கள் மீது காவல்துறை லத்திசார்ஜ் நடத்தியது தொடர்பான மனுவை விசாரிக்க உச்சநீதிமன்றம் ஒப்புக் கொண்டுள்ளது. கடந்த வாரம் காக்ரோச் ஜனதா கட்சியின் போராட்டத்தின் மீது டெல்லி காவல்துறை நடத்திய அடக்குமுறை குறித்த மனுவை விசாரிக்க உச்சநீதிமன்றம் திங்கள்கிழமை ஒப்புதல் அளித்தது.
இந்திய தலைமை நீதிபதி சூர்யா காந்த் முன்னிலையில் பல மனுக்கள் முறையிடப்பட்டதை அடுத்து, இந்த வழக்கை நாளை விசாரணைக்கு எடுத்துக் கொள்வதாக அவர் பட்டியலிட்டார். “அரசியலமைப்பின் கீழ் அமைதியான, சட்டப்பூர்வமான போராட்டத்திற்கான உரிமை முற்றிலுமாக உறுதி செய்யப்பட்டுள்ளது” என்று நீதிமன்றம் அவதானித்தது.
இந்த செய்தியை ஆங்கிலத்தில் படிக்க இங்கே க்ளிக் செய்யவும்.
“போராட்டம் அமைதியாக இருக்கும் வரை, வெறும் போராட்டம் நடக்கிறது என்பதற்காகவே (லத்திசார்ஜ்) செய்ய முடியாது… அதிகப்படியான நடவடிக்கைகள் எடுக்கப்பட்டிருந்தால், அது சுயாதீனமாக ஆய்வு செய்யப்பட வேண்டும்” என்று கூறிய நீதிமன்றம், இந்த கவலை டெல்லிக்கு மட்டும் உரியது அல்ல என்றும் சேர்த்துக் கூறியது. மேலும் உச்சநீதிமன்றம் கூறுகையில், “ஜனநாயக முறைக்கு ஒழுக்கம் மிகவும் அவசியம்” என்பதால், மாநிலங்கள் முழுவதும் நெறிமுறைகளில் ஒரே சீரான தன்மை தேவைப்படுவதாகத் தெரிவித்தது. இந்த வழக்கு நாளை விசாரணைக்கு வரவுள்ளது.