இந்தியா முழுக்க மாணவர் போராட்டம் வலுத்து வருகிறது. இந்த சூழலில் சென்னையில் நீட் எதிர்ப்பு போராட்டத்தில் மாணவர்களுக்கு ஆதரவாக கலந்து கொண்டு பேசிய இயக்குநர் வெற்றிமாறன், மாணவர்களின் ஒற்றுமையும் பங்கேற்பும் சமூக மாற்றங்களுக்கான முக்கிய சக்தி எனக் குறிப்பிட்டார். மாணவர் போராட்டம் மாணவர்களுடையதாகவே இருக்க வேண்டும் என்றும், அதை யாரும் அரசியலாக்கவோ தனதாக்கிக் கொள்ளவோ கூடாது என்றும் வலியுறுத்திய அவர், போராடுவது ஒவ்வொருவரின் ஜனநாயக உரிமை என்றும் தெரிவித்தார். மேலும், நீட் தேர்வு ரத்து செய்யப்படும் வரை மாணவர்கள் ஒற்றுமையுடன் தொடர்ந்து போராட வேண்டும் என அழைப்பு விடுத்தார்.
சென்னையில் இந்திய கம்யூனிஸ்ட் கட்சியின் மாநிலத் தலைமையகமான பாலன் இல்லத்தில், நீட் தேர்வை ரத்து செய்ய வேண்டும் மற்றும் மத்திய கல்வித்துறை அமைச்சர் தர்மேந்திர பிரதான்பதவி விலக வேண்டும் என்ற கோரிக்கைகளை வலியுறுத்தி தமிழ்நாடு கம்யூனிஸ்ட் கட்சியினர் தொடர்ந்து ஐந்தாவது நாளாக போராட்டத்தில் ஈடுபட்டு வருகின்றனர். இந்தப் போராட்டத்திற்கு ஆதரவு தெரிவித்து இயக்குநர் வெற்றிமாறன் கலந்து கொண்டு மாணவர்கள் மற்றும் போராட்டக்காரர்களைச் சந்தித்து உரையாற்றினார்.
மாணவர்களின் ஒற்றுமை சமூகத்திற்கு நம்பிக்கை
பேசிய வெற்றிமாறன், மாணவர்களின் எழுச்சியும் ஒற்றுமையும் சமூகத்திற்கு நம்பிக்கையை அளிப்பதாகக் கூறினார். “இளைஞர்களின் எழுச்சியும் மாணவர்களின் ஒற்றுமையும் எங்களுக்கு ஒரு உந்துசக்தியை தருகிறது. மாணவர்கள் கையில் எடுக்காத எந்தப் போராட்டமும் முழுமையான வெற்றியைப் பெறாது. சமூக மாற்றங்களை உருவாக்குவதில் மாணவர்களின் பங்கு எப்போதும் முக்கியமானதாகவே இருந்து வருகிறது,” என்றார்.
நாளுக்கு நாள் கூடும் TVK செல்வாக்கு…குவியும் மாற்று கட்சியினர்!
மாணவர் போராட்டம் மாணவர்களுடையதாகவே இருக்க வேண்டும்
மாணவர்களை நோக்கிப் பேசிய அவர், “உங்கள் போராட்டத்தை யாரும் தனதாக்கிக் கொள்ள அனுமதிக்காதீர்கள். இது மாணவர்களின்போராட்டமாகவேதொடர வேண்டும். நீங்கள் எடுக்கும் முடிவுகளுக்கு துணை நிற்கவும், உங்கள் குரலுக்கு ஆதரவாக இருக்கவும் நாங்கள் வந்திருக்கிறோம். உங்கள் சார்பாக பேசுவதற்காக அல்ல; உங்களுடன் நிற்பதற்காகத்தான் நாங்கள் இருக்கிறோம்,” என்று தெரிவித்தார்.
போராடுவது அடிப்படை ஜனநாயக உரிமை
தொடர்ந்து பேசிய வெற்றிமாறன், “போராடுவது நம் அனைவருடைய உரிமை. போராடக் கூடாது என்று கூறுபவர்கள், மாணவர்கள் சமூகப் பிரச்சினைகள் குறித்து பேசக் கூடாது என்றும், அரசியல் குறித்து சிந்திக்கக் கூடாது என்றும் கூறுகிறார்கள். ஆனால் கல்வி, வேலைவாய்ப்பு, எதிர்காலம் ஆகியவற்றை நேரடியாக பாதிக்கும் பிரச்சினைகளில் மாணவர்கள் குரல் கொடுப்பது ஜனநாயகத்தின் இயல்பான வெளிப்பாடாகும்,” என்றார்.
நீட் ரத்து செய்யப்படும் வரை போராட்டம் தொடர வேண்டும்
நீட் தேர்வு ரத்து செய்யப்படும் வரை இந்தப் போராட்டம் தொடர்ந்து நடைபெற வேண்டும் என்றும், மாணவர்களிடையே தற்போது உருவாகியுள்ள ஒற்றுமை எதிர்காலத்திலும் தொடர வேண்டும் என்றும் அவர் வலியுறுத்தினார். மாணவர்கள் முன்வைக்கும் கோரிக்கைகளை மத்திய அரசுஉரிய முறையில் பரிசீலிக்க வேண்டும் என்றும், கல்வி தொடர்பான கொள்கை முடிவுகளில் மாணவர்களின் குரலுக்கு முக்கியத்துவம் அளிக்கப்பட வேண்டும் என்றும் கூறினார்.
இறுதியாக, மாணவர்கள் அமைதியான மற்றும் ஜனநாயக வழியில் தங்களது கருத்துகளை வெளிப்படுத்துவது ஒரு ஆரோக்கியமான ஜனநாயகத்தின் அடையாளம் என்றும், இந்தப் போராட்டம் நீட் தேர்வு ரத்து செய்யப்படும் வரை உறுதியுடன் தொடர வேண்டும் என்றும் வெற்றிமாறன் தெரிவித்தார். அவரது பேச்சு போராட்டத்தில் பங்கேற்ற மாணவர்கள் மற்றும் ஆதரவாளர்களிடையே உற்சாகத்தை ஏற்படுத்தியது.
Source link