'லான் பவுல்ஸ்': இந்தியா அபாரம்

ஸ்காட்லாந்தின் கிளாஸ்கோ நகரில், காமன்வெல்த் விளையாட்டு 23வது சீசன் நடக்கிறது. பெண்கள் இரட்டையர் ‘பி’ பிரிவு லீக் போட்டியில் இந்தியா, மால்டா அணிகள் மோதின. இந்தியா சார்பில் ரூபா ராணி, பிங்கி சிங் பங்கேற்றனர். முதல் செட்டை 7-1 எனக் கைப்பற்றிய இந்தியா, 2வது செட்டை 3-4 என இழந்தது. பின் ‘டை பிரேக்கரில்’ அசத்திய இந்திய அணி 1-0 என வெற்றி பெற்றது. இரண்டாவது போட்டியில் இந்திய அணி, தென் ஆப்ரிக்காவை சந்திக்கிறது.

ஆண்கள் ஒற்றையர் பிரிவில் இந்தியாவின் சோனோவால் புதுல், 2023ல் உலக சாம்பியன் பட்டம் வென்ற கனடாவின் ரியான் பெஸ்டர் மோதினர். முதல் செட்டை 5-4 என வென்ற சோனோவால், 2வது செட்டை 3-7 என இழந்தார். பின் ‘டை பிரேக்கரில்’ அசத்திய சோனோவால் 1-0 என வெற்றி பெற்றார்.

கடந்த முறை (2022) ‘லான் பவுல்ஸ்’ போட்டியில் இந்தியாவுக்கு ஒரு தங்கம், ஒரு வெள்ளி என, 2 பதக்கம் கிடைத்தது.