தமிழக சட்டமன்ற கூட்டத்தொடர் கடந்த ஆகஸ்ட் மாதம் 5ஆம் தேதி தொடங்கியது. வரும் செப்டம்பர் எட்டாம் தேதி வரை நடைபெற உள்ளது. முதலமைச்சராக விஜய் பொறுப்பேற்று 2026 -2027 ஆண்டிற்கான நிதிநிலை அறிக்கை தாக்கல் செய்யப்பட்டு மானிய கோரிக்கை மீதான விவாதங்கள் நடைபெற்று வருகிறது. அதன்படி என்று முதலமைச்சர் விஜய் வசம் உள்ள காவல்துறை மானிய கோரிக்கை மீதான விவாதம் நடைபெற்றது.
சட்டசபைக்கு எண்ட்ரி கொடுத்த இன்பநிதி
இதுவரை தவெக அரசு வெளியிட்ட திட்டங்கள் அனைத்தும் ஏறக்குறைய தேர்தல் வாக்குறுதியில் அளித்த திட்டங்கள் ஆகவே பார்க்கப்படுகிறது. இந்த அறிவிப்புகளை ஒரு தரப்பினர் வரவேற்றும் மறுதரப்பினர் முரண்பாடுகளை தெரிவித்து வருகின்றனர். இத்தகைய சூழலில், சட்டமன்ற நிகழ்வுகளை நேரில் பார்ப்பதற்காக எதிர்க்கட்சி தலைவர் உதயநிதி ஸ்டாலினின் மகன் இன்ப நிதி சட்டப்பேரவைக்கு வருகை தந்திருப்பது முக்கியத்துவம் வாய்ந்ததாக பார்க்கப்படுகிறது.
கடந்த திமுக ஆட்சியில் விளையாட்டுப் போட்டிகள் , ஜல்லிக்கட்டு நிகழ்ச்சி, மற்றும்திமுக இளைஞரணி மாநாட்டில் இன்பநிதி தலைக்காட்ட தொடங்கினார். அதன்பிறகு, திமுக அரசியல் வாரிசு என்றும், வருங்கால முதல்வர் இன்பநிதி என்று திமுகவினர் கூறி வந்தனர். சமீபத்தில் சட்டமன்ற தோல்விக்கு பிறகு, திமுகவில் கட்டமைப்பு ரீதியாக மாற்றம் கொண்டு வரப்பட்டது. அதில் இளைஞர்களுக்கு முக்கியத்துவம் அளிக்கும் வகையில் பொறுப்புகள் வழங்க முடிவு செய்யப்பட்டுள்ளது. இப்படியான சூழலில் இன்பநிதியும் இளம்தலைமுறை என்பதால் பொறுப்புகள் வழங்கப்படலாம் என்று கூறப்படுகிறது.
ஸ்டாலின், உதயநிதி வரிசையில் இன்பநிதி..
தற்போது இன்பநிதி, மு.க.ஸ்டாலின் , உதயநிதி ஸ்டாலின் வழியை பின் தொடருவடாக கூறப்படுகிறது. அதாவது, மு.க.ஸ்டாலின் ஆரம்பக் காலத்தில் நாடகங்கள் மற்றும் திரைப்படங்களில் நடித்துக் கலைத்துறையில் தனது பயணத்தைத் தொடங்கினார். பின்னர், கட்சியின் அடிப்படைச் செயல்பாடுகள் மற்றும் இயக்க நிகழ்வுகளில் பங்கெடுத்து வந்தார். படிப்படியாக சென்னை மேயர், உள்ளாட்சித் துறை அமைச்சர், துணை முதலமைச்சர்ஆகிய பொறுப்புகளை வகித்து, கட்சியில் முக்கியப் பொறுப்புகளைப் பெற்றுத் தற்போது முதலமைச்சராகவும் பணியாற்றி உள்ளார்.
இதனைத் தொடர்ந்து , ஆரம்பத்தில்உதயநிதி ஸ்டாலின் திரைப்படத் தயாரிப்பாளராக அறிமுகமாகி, பின்னர் திரைப்படங்களில் நடிகராகப் பணியாற்றினார். திமுகவின் முக்கிய மேடைகளில் முன்னிலைப்படுத்தப்பட்டு, கட்சிப் பணிகளில் ஈடுபடுத்தப்பட்டார். தொடர்ந்து இளைஞரணிச் செயலாளர் பொறுப்பு, சட்டமன்ற உறுப்பினர் பதவி, துணை முதல்வர் பதவி எனப் பொறுப்புகளைப் பெற்றுத் தற்போது எதிர்க்கட்சித் தலைவராக உருவெடுத்துள்ளார்.
சட்டசபை எண்ட்ரிக்கு பின்னால் இப்படி ஒரு அரசியலா?
சமீபத்தில் லண்டனில் பட்டபடிப்பை முடித்துள்ள இன்பநிதி ரெட் ஜெயிண்ட் மூவி தனியார் நிறுவனத்தை நிர்வகித்து , வந்தாலும், அவர் நடித்தற்கான பயிற்சிகளையும் பெற்றிருப்பதால், அவரைத் திரையில் கதாநாயகனாக அறிமுகப்படுத்தவே அனைவரும் எதிர்பார்த்துக் காத்திருந்தனர். ஆனால், திரையுலகில் நுழையும் முன்பே நேரடியாகச் சட்டமன்றத்திற்கு அவர் வருகை தந்திருப்பது, திரைப்படத்திற்குப் பதிலாக நேரடியாக அரசியலுக்குள் அவரை நுழைவிப்பதற்கான முயற்சியோ என்ற கேள்வியையும் விவாதத்தையும் ஏற்படுத்தியுள்ளது.
சட்டமன்ற தேர்தலுக்கு பிறகு மு.க.ஸ்டாலின் ஆக்டிவாக இல்லை. மறுப்புறம் எதிர்க்கட்சித் தலைவர் உதயநிதி சட்டபேரவையில் பாதியில் வெளியில் சென்றுவிடுகிறார். திமுகவினர் கைதுசெய்யப்பட்டது உடனே வந்துப்பார்க்கவில்லை என்ற குற்றச்சாட்டுகள் முன்வைக்கப்படுகிறது. 2026 தேர்தலுக்குப் பிந்தைய சூழலில், கட்சிக்குத் திறம்பட வழிகாட்ட அனுபவமிக்க தலைமை தேவை என்ற கருத்தும் நிலவுகிறது.
இப்படி திமுகவை வழிநடத்த கனிமொழி மாநில அரசியலுக்கு வர வேண்டும் என்றும், அவருக்குக் கட்சியில் முக்கியப் பொறுப்பு வழங்கி மாநிலத் தலைமையாக உயர்த்த வேண்டும் என்றும் அவரது ஆதரவாளர்கள் தொடர்ந்து வலியுறுத்தி வருகின்றனர். தற்போதைய சூழலில் இன்பநிதியை முன்னிலைப்படுத்துவது, கனிமொழிக்கான வாய்ப்பைக் குறைக்குமா அல்லது இளைஞர் அணியினருக்கு முன்னுரிமை அளிக்கப்படுமா என்ற பல குழப்பமான கேள்விகள் திமுகவினர் மத்தியில் மில்லியன் டாலர் கேள்வியாக உள்ளது.
Source link