தலைமைச் செயலகத்தில் காவல்துறை மானியக் கோரிக்கை விவாதத்தில் எதிர்க்கட்சித் தலைவர் உதயநிதி ஸ்டாலின் பேசினார்; பேரவை நிகழ்வுகளை அவரது மகன் இன்பநிதி பார்வையாளர் மாடத்திலிருந்து நேரில் கவனித்தார்.
தமிழக சட்டப்பேரவையின் பட்ஜெட் கூட்டத்தொடர் தற்போது தலைமைச் செயலகத்தில் விறுவிறுப்பாக நடைபெற்று வருகிறது. இன்று நடைபெறும் கூட்டத்தில், தமிழகத்தின் மிக முக்கியத் துறைகளான காவல்துறை மற்றும் தீயணைப்பு-மீட்புப் பணிகள் துறைகளுக்கான மானியக் கோரிக்கைகள் மீதான விவாதம் எடுத்துக்கொள்ளப்பட்டது.
மாநிலத்தின் சட்டம்-ஒழுங்கு மற்றும் பாதுகாப்புத் தொடர்பான இந்த அனல் பறக்கும் விவாதத்தில், எதிர்க்கட்சித் தலைவர் உதயநிதி ஸ்டாலின் பங்கேற்று ஆளுங்கட்சிக்கு எதிராகக் கடுமையான கேள்விகளை முன்வைத்துப் பேச உள்ளார். முதலமைச்சர் சி. ஜோசப் விஜய் உள்துறையைக் கவனித்து வருவதால், இந்த விவாதத்தில் எதிர்க்கட்சிகள் எழுப்பும் அனைத்துக் கேள்விகளுக்கும் அவரே நேரடியாகப் பதிலளிக்க உள்ளார்.
தலைமைச் செயலகத்தில் இன்பநிதி
இந்தச் சூழ்நிலையில், இன்றைய சட்டமன்றப் பாதுகாப்பு மற்றும் அரசியல் முக்கியத்துவம் வாய்ந்த விவாதங்களை நேரில் காண்பதற்காக, உதயநிதி ஸ்டாலினின் மகன் இன்பநிதி திடீரென தலைமைச் செயலகத்திற்கு வருகை தந்து அனைவரது கவனத்தையும் ஈர்த்தார். அவர் சட்டமன்றத்தின் பார்வையாளர் மாடத்திற்குச் சென்று (Visitors’ Gallery), அங்கு அமர்ந்து தனது தந்தை உதயநிதி ஸ்டாலின் எதிர்க்கட்சித் தலைவராகக் காவல்துறை மானியக் கோரிக்கைகள் குறித்துப் பேசுவதையும், அதற்கு ஆளுங்கட்சித் தரப்பில் அளிக்கப்படும் பதில்களையும் மிக உன்னிப்பாகக் கவனித்து வருகிறார்.
Source link