இந்திய உள்நாட்டு கிரிக்கெட் தொடரின் மிக முக்கியமான போட்டிகளில் ஒன்றான துலீப் டிராபியின் இறுதிப்போட்டி, சென்னை சேப்பாக்கத்தில் உள்ள எம்.ஏ.சிதம்பரம் மைதானத்தில் வரும் 6-ம் தேதி தொடங்கி 10-ம் தேதி வரை நடைபெறவுள்ளது.
பெங்களூரில் நடைபெற்ற விறுவிறுப்பான அரையிறுதி ஆட்டங்களில், நடப்பு சாம்பியனான மத்திய மண்டல அணியைக் வீழ்த்தி இஷான் கிஷன் தலைமையிலான கிழக்கு மண்டல அணி இறுதிப்போட்டிக்கு தகுதிபெற்றது. மற்றொரு அரையிறுதியில் வடக்கு மண்டல அணியை வீழ்த்தி தெற்கு மண்டல அணி தனது இடத்தை உறுதி செய்தது. இதன் மூலம், சம்பியன் பட்டத்திற்கான இறுதிப்போட்டியில் தெற்கு மண்டல அணியும் கிழக்கு மண்டல அணியும் நேரடியாக மோதவுள்ளன.
இந்நிலையில், சென்னை சேப்பாக்கம் மைதானத்தில் நடைபெறவிருக்கும் இந்த இறுதிப்போட்டியைக் காண வரும் கிரிக்கெட் ரசிகர்களுக்கு அனுமதி முற்றிலும் இலவசம் என தமிழ்நாடு கிரிக்கெட் வாரியம் (TNCA) அறிவித்துள்ளது. ரசிகர்கள் அனைவரும் எவ்வித நுழைவுக் கட்டணமும் இன்றி நேரில் சென்று போட்டியை நேரலையாகக் கண்டு களிக்கலாம் எனத் தெரிவிக்கப்பட்டுள்ளதால், விளையாட்டு ரசிகர்கள் மத்தியில் பெரும் மகிழ்ச்சியும் எதிர்பார்ப்பும் ஏற்பட்டுள்ளது.