கிடுகிடுவென குறைந்த தங்கம் விலை; இன்றைய நிலவரம் என்ன?

சென்னையில் கடந்த சில நாள்களாக ஆபரணத் தங்கத்தின் விலை தொடர் ஏற்ற, இறக்கங்களைச் சந்தித்து வரும் நிலையில், இன்று (செப்டம்பர் 9) தங்கம் விலை அதிரடியாக குறைந்து நகைப்பிரியர்களை மகிழ்ச்சியில் ஆழ்த்தியுள்ளது.

2 மணி நேர டிராவல் இனி வெறும் 40 நிமிஷம் தான்… பிளைட் எல்லாம் மறந்துருங்க; 600 கி.மீ வேகம்னா சும்மாவா!

கடந்த சில நாட்களின் விலை மாற்றம்

செப்டம்பர் 3-ஆம் தேதி தங்கத்தின் விலை அதிரடியாக உயர்ந்து, சவரனுக்கு ரூ. 2,320-ம் கிராமுக்கு ரூ. 290-ம் அதிகரித்து ஒரு சவரன் ரூ. 1,13,920-க்கு விற்பனையானது. அதனைத் தொடர்ந்து செப்டம்பர் 4-ஆம் தேதி மேலும் ரூ. 960 உயர்ந்து, ஒரு சவரன் ரூ. 1,14,880 என்ற புதிய உச்சத்தை எட்டியது.

இருப்பினும், வார இறுதி நாளான செப்டம்பர் 5-ஆம் தேதி தங்கம் விலையில் திடீர் சரிவு ஏற்பட்டது. அன்று கிராமுக்கு ரூ. 170-ம், சவரனுக்கு ரூ. 1,360-ம் குறைந்து ஒரு சவரன் ரூ. 1,13,520-க்கு விற்பனையானது. வாரத்தின் முதல் நாளான செப்டம்பர் 7-ஆம் தேதியும் இந்த சரிவு தொடர்ந்தது. அன்று கிராமுக்கு ரூ. 60-ம், சவரனுக்கு ரூ. 480-ம் குறைந்து, ஒரு சவரன் ஆபரணத் தங்கம் ரூ. 1,13,040 என்ற அளவில் வர்த்தகமானது.

இன்றைய நிலவரம் 

கடந்த இரண்டு நாள்களாக சரிவைச் சந்தித்து வந்த தங்கம் விலை, நேற்று மீண்டும் ஏறுமுகத்தில் பயணிக்கத் தொடங்கியது. அதன்படி ஒரு கிராம் ரூ. 14,270-க்கும் ஒரு சவரன் ரூ. 1,14,160 முதல் ரூ. 1,14,260 வரை விற்பனை செய்யப்பட்டது.

இந்நிலையில் இன்று (செப்.9) தங்கம் விலை கிடுகிடுவென குறைந்துள்ளது. சென்னையில் இன்று 22 கேரட் ஆபரணத் தங்கத்தின் விலை கிராமுக்கு ரூ. 125 குறைந்து ரூ. 14,145-க்கு விற்பனையாகிறது. இதனால் சவரனுக்கு ரூ. 1,000 குறைந்து, ஒரு சவரன் ரூ. 1,13,160-க்கு விற்பனை செய்யப்பட்டு வருகிறது.

மாற்றமில்லாத வெள்ளி விலை

தங்கத்தின் விலை உயர்ந்துள்ள போதிலும், வெள்ளி விலையில் தொடர்ந்து 7-வது நாளாக எந்தவித மாற்றமும் இன்றி நிலைத்தன்மை நீடிக்கிறது.

இன்று ஒரு கிராம் வெள்ளி ரூ. 255-க்கும், ஒரு கிலோ கட்டி வெள்ளி ரூ. 2,55,000-க்கும் மாற்றமின்றி விற்பனை செய்யப்படுகிறது.

தொடர்ந்து நிலவி வரும் பொருளாதார சூழ்நிலைகள் மற்றும் சர்வதேச சந்தை மாற்றங்கள் காரணமாகவே ஆபரணத் தங்கத்தின் விலையில் இந்த அதிரடி மாற்றங்கள் நீடித்து வருவதாக வியாபாரிகள் தெரிவிக்கின்றனர்.