புதுடில்லி: ஏஐ.,யை ஆயுதமாக பயன்படுத்தக்கூடாது, விவசாயத்திற்கும் ஏஐ பயன்பட வேண்டும் என்று பிரிக்ஸ் உச்சி மாநாடு 2026 ன் 2வது நாளில் பிரதமர் மோடி வலியுறுத்தி உள்ளார்.
பிரிக்ஸ் உச்சி மாநாடு 2026-இன் இரண்டாம் நாளில், பிரதமர் நரேந்திர மோடி பேசியதாவது: பிரிக்ஸ் தளவாட விநியோகச் சங்கிலி ஒத்துழைப்புக் கட்டமைப்பு, நமது விநியோகச் சங்கிலிகளை மேலும் நம்பகமானதாகவும், மீள்திறன் கொண்டதாகவும் மாற்ற உதவும். டிஜிட்டல் வேளாண்மைக்கான பிரிக்ஸ் வலையமைப்பு விவசாயிகளுக்குப் புதிய வாய்ப்புகளை உருவாக்கும், இந்த முன்முயற்சியின் மூலம், செயற்கை நுண்ணறிவு, புவிசார் தொழில்நுட்பம் மற்றும் டிஜிட்டல் பொது உள்கட்டமைப்பு ஆகியவை விவசாயிகளின் உண்மையான தேவைகளுடன் ஒருங்கிணைக்கப்படும்.
தொழில்நுட்பம் மற்றும் முக்கிய கனிமங்களை ஆயுதமாக்குவது நமது கூட்டு முன்னேற்றத்தைத் தடுக்கக்கூடும்; எனவே, தொழில்நுட்பத்தை ஏற்றுக்கொள்வதில் அனைவரையும் உள்ளடக்குவதை நாங்கள் வலியுறுத்தியுள்ளோம்.
பிரிக்ஸ் தளத்தின் வாயிலாக இந்தியா நட்பு, கூட்டாண்மை மற்றும் ஒத்துழைப்பு உணர்வை முன்னெடுத்துச் சென்றுள்ளது. பிரிக்ஸ் ஒத்துழைப்பு என்பது அரசுக்கு மட்டுமே உரியதாக மட்டுப்படுத்தப்படாமல் இருப்பதை உறுதிசெய்ய நாங்கள் முயன்றுள்ளோம்; எங்கள் தொழில்முனைவோர்கள், விவசாயிகள், ஆராய்ச்சியாளர்கள், பெண்கள், இளைஞர்கள் மற்றும் சாமானிய குடிமக்கள் ஆகியோரும் இதில் தீவிரப் பங்கேற்பாளர்களாக மாற வேண்டும்.
பிரிக்ஸ் தளத்தின் வாயிலாக இந்தியா நட்பு, கூட்டாண்மை மற்றும் ஒத்துழைப்பு உணர்வை முன்னெடுத்துச் சென்றுள்ளது. பிரிக்ஸ் அமைப்பிலான ஒத்துழைப்பு என்பது அரசாங்கங்களுக்கு மட்டுமே உரியதாக மட்டுப்படுத்தப்படாமல் இருப்பதை உறுதிசெய்ய நாங்கள் முயன்றுள்ளோம்; எங்கள் தொழில்முனைவோர்கள், விவசாயிகள், ஆராய்ச்சியாளர்கள், பெண்கள், இளைஞர்கள் மற்றும் சாமானிய குடிமக்கள் ஆகியோரும் இதில் தீவிரப் பங்கேற்பாளர்களாகத் திகழ வேண்டும் என்று நாங்கள் விரும்புகிறோம்.இவ்வாறு பிரதமர் மோடி பேசினார்.