பிரபல கிரிக்கெட் வீரர் சஞ்சு சாம்சன் தீவிரமான ரஜினிகாந்த் ரசிகர் ஆவார். அதனால், ரஜினிகாந்த் நடிப்பில் வெளியாகும் ஒவ்வொரு படத்தையும் தவறாமல் பார்த்துவிடுவார். அந்த வகையில், சமீபத்தில் வெளியான ’ஜெயிலர் 2’ படத்தை பார்ப்பதற்கும் ஆர்வமாக காத்துக்கொண்டிருந்தார். ஆனால், படம் வெளியான நாளன்று டெல்லியில் ஒரு முக்கியமான நிகழ்ச்சியில் கலந்துகொண்டதால், அவரால் முதல் நாள் அன்று படத்தைப் பார்க்க முடியவில்லை.
இதனால், படத்தைப் பார்க்க அடுத்த நாளன்று தியேட்டரில் டிக்கெட் புக் செய்தார். அப்போது, அந்த தியேட்டரில் உள்ள மொத்த டிக்கெட்டையும் அவர் புக் செய்தார். இதையடுத்து, அவர் தனது மனைவி மற்றும் நண்பர்களுடன் சென்று திரையரங்கில் படம் பார்த்தார். ரஜினியின் படம் என்பதால், சஞ்சுசாம்சன் ஒட்டுமொத்தமாக திரையரங்கையே புக் செய்துள்ள சம்பவம் சமூக வலைத்தளங்களில் வெளியாகி வைரலாகி வருகின்றது.
இதுகுறித்து பேசிய அவர், “ரஜினிகாந்தின் திரைப்படங்களைப் பார்ப்பது எனக்கு மிகவும் பிடிக்கும். அவருடைய ஒவ்வொரு படத்திற்காகவும், நான் எப்போதும் ஆவலுடன் காத்திருப்பேன். மனைவி மற்றும் நண்பர்களுடன் இணைந்து திரையரங்கில் ரஜினி படத்தைப் பார்ப்பது பெருமகிழ்ச்சியைத் தருகிறது.’’ என்றார். இந்நிலையில், ரஜினிகாந்த் மீது சாம்சன் கொண்டுள்ள இந்த அதீத அன்பு ரசிகர்களிடையே மிகுந்த கவனம் பெற்றுள்ளது என்பது குறிப்பிடத்தக்கது.