பாரதி ஏர்டெல் நிறுவனம் தனது ரூ. 200 ப்ரீபெய்ட் ஓடிடி பேக்கில் 30 ஜிபி டேட்டாவுடன் யூடியூப் பிரீமியத்தையும் சேர்க்கிறது. இதுகுறித்த முழு விவரங்களையும் இங்கே நீங்கள் பார்க்கலாம்.
பாரதி ஏர்டெல் நிறுவனம் யூடியூப்புடன் கைகோர்த்துள்ளது. ஏர்டெல் தனது ப்ரீபெய்ட் வாடிக்கையாளர்களுக்கு ரூ. 200 ஓடிடி டாப்-அப் மூலம் யூடியூப் பிரீமியம் சேவையை வழங்கவுள்ளது. இந்த பேக்கில் 28 நாட்களுக்கு 30 ஜிபி கூடுதல் டேட்டாவும், பல்வேறு பொழுதுபோக்கு நன்மைகளும் அடங்கியுள்ளன. இந்த புதிய இணைப்பின் மூலம் ஏர்டெலின் ப்ரீபெய்ட் பொழுதுபோக்கு சேவைகள் வெறும் திரைப்படங்கள் மற்றும் தொலைக்காட்சி நிகழ்ச்சிகளைத் தாண்டி, விளம்பரமில்லா யூடியூப் பார்வை, மியூசிக் ஸ்ட்ரீமிங், பின்னணி இயக்கம் (background playback) மற்றும் ஆஃப்லைன் டவுன்லோடு போன்ற வசதிகளையும் உள்ளடக்கியதாக விரிவடைந்துள்ளது.
யூடியூப் பிரீமியம் நன்மைகள்!
இந்த யூடியூப் பிரீமியம் சந்தா பல சிறப்பான அம்சங்களை வழங்குகிறது. முதலில் விளம்பரமில்லா அனுபவம் கிடைக்கும். ஷார்ட்ஸ் உட்பட அனைத்து வீடியோக்களையும் விளம்பரமின்றி பார்க்க முடியும். மேலும் யூடியூப் மியூசிக் பிரீமியமும் கிடைக்கும். வாடிக்கையாளர்கள் மற்ற செயலிகளைப் பயன்படுத்தும் போதோ அல்லது போனின் திரை அணைக்கப்பட்டிருக்கும் போதோ வீடியோக்களைத் தொடர்ந்து கேட்கலாம். எனினும், ஷார்ட்ஸ் பிளேயரில் இந்த வசதி கிடைக்காது. இணையம் இல்லாத நேரத்திலும் பார்ப்பதற்காக முன்கூட்டியே டவுன்லோடு செய்து கொள்ளலாம்.
விளம்பரங்கள் எப்படி இருக்கும்?
பிரீமியம் சேவையானது சாதாரண வீடியோக்களில் வரும் பிளாட்ஃபார்ம் விளம்பரங்களை நீக்கினாலும், கிரியேட்டர்களின் சொந்த ஸ்பான்சர்ஷிப் மற்றும் சில குறிப்பிட்ட விளம்பரங்கள் தொடர்ந்து தோன்றலாம். ஏர்டெல் நிறுவனம் வெளியிட்டுள்ள அறிவிப்பின்படி, இந்த ரூ. 200 டாப்-அப் பேக்கில் அமேசான் பிரைம் வீடியோ, ஜியோ ஹாட்ஸ்டார், ஜீ5 பிரீமியம் மற்றும் சோனி லிவ் போன்ற ஏற்கனவே உள்ள ஓடிடி சேவைகளுடன் யூடியூப் பிரீமியமும் இணைக்கப்பட்டுள்ளது.
சந்தா விவரங்கள்!
ரீசார்ஜ் செய்வதற்கு முன்பு ஏர்டெல் செயலியில் குறிப்பிடப்பட்டுள்ள சந்தா நிலைகள் மற்றும் டிவைஸ் வரம்புகளை வாடிக்கையாளர்கள் சரிபார்க்க வேண்டும். அமேசான் சலுகை பிரைம் வீடியோ மொபைல் எடிஷன் என்றும், சோனிஎல்ஐவி போன்ற பிற தளங்கள் ஏர்டெல் எக்ஸ்ஸ்ட்ரீம் ப்ளே மூலம் வழங்கப்படுவதாகவும் ஏர்டெல் பட்டியலிட்டுள்ளது.
டேட்டா மற்றும் செல்லுபடியாகும் காலம்!
இந்த பேக்கில் 28 நாள் செல்லுபடியாகும் காலத்திற்கு 30 ஜிபி கூடுதல் டேட்டா வழங்கப்படுகிறது. இது ஏற்கனவே செயலில் உள்ள ப்ரீபெய்டு திட்டத்தைக் கொண்ட வாடிக்கையாளர்களுக்கான டாப்-அப் மட்டுமே ஆகும். அவுட்கோயிங் அழைப்புகள் செல்லும் கால அளவை நீட்டிக்கும் தனிப்பட்ட ரீசார்ஜ் அல்ல.
யூடியூப் பிரீமியம் வசதியைப் பெறுவது எப்படி?
இந்த டாப்-அப்பை வாங்கிய பிறகு, வாடிக்கையாளர்கள் ஏர்டெல் செயலியை திறந்து அதில் உள்ள “Rewards & OTTs” பகுதிக்குச் சென்று யூடியூப் பிரீமியம் சலுகையைப் பெற்றுக்கொள்ளலாம். டாப்-அப் பேக்கின் 28 நாள் காலாவதி தேதியுடன் பொழுதுபோக்கு சலுகைகளும் காலாவதியாகும். எனவே, ரீசார்ஜ் செய்தவுடன் உடனடியாக இந்தச் சலுகையைப் பெற்றுக்கொள்வது நல்லது. ஏனெனில் நீங்கள் ரீடீம் செய்யும் நாளிலிருந்து புதிய 28 நாள் சந்தா காலம் நீட்டிக்கப்படும் என்பதற்கு உத்தரவாதம் இல்லை. இந்த பேக் காலாவதியானதும், வாடிக்கையாளர்கள் மீண்டும் டாப்-அப்பை வாங்கி, விதிமுறைகளின்படி யூடியூப் பிரீமியம் பலனைத் தொடர்ந்து பெறலாம்.
இந்த புதிய இணைப்பின் மூலம் ஏர்டெல் ப்ரீபெய்ட் வாடிக்கையாளர்கள் ஒரே ரீசார்ஜில் கூடுதல் மொபைல் டேட்டாவுடன் வீடியோ ஸ்ட்ரீமிங், கிரியேட்டர் கன்டென்ட் மற்றும் மியூசிக் ஆகியவற்றை எளிதாக அனுபவிக்க முடியும் என்று ஏர்டெல் நிறுவனம் தெரிவித்துள்ளது.