உலகின் முதல் ‘டிரில்லியனர்’ (100 பில்லியன் டாலர் நிகர மதிப்பு கொண்ட நபர்)எலான் மஸ்க் ஆக உள்ளார்.
உலகின் மிகப்பெரிய செல்வந்தர்களில் ஒருவரான எலான் மஸ்க், தற்போது வரலாற்றில் முதன்முறையாக 1 டிரில்லியன் அமெரிக்க டாலர் (சுமார் 1,000 பில்லியன் டாலர்) சொத்து மதிப்பை கடந்த முதல் நபராக சாதனை படைத்துள்ளார். அவரது விண்வெளி நிறுவனமான ஸ்பேஸ்எக்ஸ் (SpaceX) நிறுவனத்தின் பிரம்மாண்டமான பங்குச் சந்தை அறிமுகம் இந்த சாதனைக்கு முக்கிய காரணமாக அமைந்துள்ளது.
SpaceX பங்குகள் வர்த்தகம்
வியாழக்கிழமை நடைபெற்ற SpaceX நிறுவனத்தின் IPO மூலம் 75 பில்லியன் டாலர் நிதி திரட்டப்பட்டது. இதன் காரணமாக நிறுவனத்தின் மதிப்பு மிக அதிகமாக உயர்ந்ததுடன், அதில் பெரும்பங்கு வைத்திருக்கும் எலான் மஸ்க்கின் சொத்து மதிப்பும் வேகமாக உயர்ந்துள்ளது. Forbes மற்றும் Reuters வெளியிட்ட கணக்கீடுகளின்படி, SpaceX பங்குகள் வர்த்தகத்தை தொடங்கிய பிறகு மஸ்க்கின் மொத்த சொத்து மதிப்பு 1.1 டிரில்லியன் டாலரை தாண்டும் என எதிர்பார்க்கப்படுகிறது.
வரலாறு படைத்த எலான் மஸ்க்..
தென் ஆப்பிரிக்காவில் பிறந்த எலான் மஸ்க், மின்சார வாகனங்கள், விண்வெளி தொழில்நுட்பம், செயற்கை நுண்ணறிவு, சமூக ஊடகங்கள், மூளை-கணினி இணைப்பு தொழில்நுட்பம் மற்றும் உள்கட்டமைப்பு திட்டங்கள் உள்ளிட்ட பல துறைகளில் தனது தொழிலை விரிவுபடுத்தியுள்ளார்.IPO-க்கு முன்பு மஸ்க்கின் சொத்து மதிப்பு சுமார் 780 பில்லியன் டாலராக மதிப்பிடப்பட்டிருந்தது. ஆனால் SpaceX நிறுவனத்தில் அவர் வைத்திருக்கும் பங்குகளின் மதிப்பு மட்டும் தற்போது சுமார் 866 பில்லியன் டாலராக உயர்ந்துள்ளதாக கூறப்படுகிறது.
உலகின் இரண்டாவது பெரிய செல்வந்தர்
உலகின் இரண்டாவது பெரிய செல்வந்தரின் சொத்து மதிப்பு சுமார் 300 பில்லியன் டாலர் அளவில் இருக்கும் நிலையில், எலான் மஸ்க் மற்ற செல்வந்தர்களை விட மிகப்பெரிய இடைவெளியுடன் முன்னிலையில் உள்ளார்.டெஸ்லா மற்றும் ஸ்பேஸ்எக்ஸ் நிறுவனங்கள் மூலம் உலகளவில் பெரும் கவனம் பெற்ற மஸ்க், பல துறைகளில் புரட்சிகரமான மாற்றங்களை ஏற்படுத்தியவர் என கருதப்படுகிறார். டெஸ்லா நிறுவனத்தின் வளர்ச்சி உலகம் முழுவதும் மின்சார வாகனங்களின் பயன்பாட்டை வேகப்படுத்தியதாக நிபுணர்கள் கூறுகின்றனர்.
SpaceX நிறுவனத்தின் மாபெரும் வெற்றி
அதேபோல், SpaceX நிறுவனம் விண்வெளி ஏவுதளம் மற்றும் Starlink செயற்கைக்கோள் இணைய சேவைகள் மூலம் முக்கிய இடத்தை பிடித்துள்ளது. எதிர்காலத்தில் செயற்கை நுண்ணறிவு, விண்வெளி உள்கட்டமைப்பு மற்றும் பிற கிரக ஆய்வுகளில் SpaceX முன்னணி பங்கு வகிக்கும் என முதலீட்டாளர்கள் நம்புகின்றனர்.இந்நிலையில், எலான் மஸ்க்கின் செல்வாக்கும், சொத்து மதிப்பும் தொடர்ந்து அதிகரித்து வருவது உலக வர்த்தக மற்றும் தொழில்நுட்ப துறைகளில் பெரும் கவனத்தை ஈர்த்துள்ளது.எலான் மஸ்க் உலகின் பணக்காரர்கள் பட்டியலில் முதல் இடத்தைத் தக்கவைத்துக் கொள்வார். இந்தப் பட்டியலில் இரண்டாவது இடத்தில் கூகிளின் லாரி பேஜ் உள்ளார், அவருடைய தற்போதைய நிகர மதிப்பு 292.7 பில்லியன் டாலர்கள் ஆகும்.