தமிழ் சினிமாவின் முன்னணி இயக்குனரான வெற்றிமாறன் தனது பிறந்த நாளை முன்னிட்டு நீண்ட வாள் வைத்து கேக் வெட்டிய வீடியோ பதிவு ஒன்று இணையத்தில் வைரலாகி வருவது சமூக வலைதளங்களில் பேசுபொருளாகியுள்ளது.
தமிழ் சினிமாவில் சில படங்களே இயக்கி இருந்தாலும் பெரிய வெற்றிகளை கொடுத்து முன்னணி நடிகராக இருக்கும் வெற்றி மாறன், நேற்று (செப்டம்பர் 4) தனது 51-வது பிறந்த நாளை கொண்டாடினார். இந்த பிறந்தநாள் நிகழ்வில் நண்பர்கள் மற்றும் திரையுலகைச் சேர்ந்த பலரும் பங்கேற்றிருந்தனர். அனைவருமு் வெற்றிமாறனுக்கு பூங்கொத்துகள் வழங்கி, பிறந்தநாள் வாழ்த்துகளைத் தெரிவித்ததால், வெற்றிமாறனுக்கும் இந்தக் கொண்டாட்டம் உற்சாகமானதாக அமைந்தது. இருப்பினும், அந்த நிகழ்வில் இடம்பெற்ற ஒரு காட்சி இணையத்தில் எதிர்மறையான விமர்சனங்களைப் பெற்றுள்ளது.
வெற்றிமாறன் வாளை கையில் பிடித்தபடி பிறந்தநாள் கேக்கை வெட்டும் புகைப்படங்கள் இணையத்தில் வைரலானதைத் தொடர்ந்து சர்ச்சை தொடங்கியது. இந்தச் செயலுக்கு எதிர்ப்பு தெரிவித்த ஒருவர், தமிழ்நாடு காவல்துறையைக் குறிப்பிட்டு சமூக வலைதளத்தில் வெளியிட்டுள்ள ஒரு பதிவில், இதுபோன்ற காட்சிகள் இளைஞர்கள் மற்றும் குழந்தைகளுக்கு தவறான முன்னுதாரணமாக அமையக்கூடும் என்று குறிப்பிட்டுள்ளார். அதிகமான ரசிகர்களைக் கொண்ட ஒரு திரைப்பட இயக்குநர், தனது பொது நிகழ்வுகளுடன் தொடர்புடைய காட்சிகள் குறித்து கவனமாக இருக்க வேண்டும் என்பதே இந்த விமர்சனத்தின் முக்கியக் கருத்தாக இருந்தது.
வெற்றிமாறனின் பிறந்தநாள் கொண்டாட்டத்தில் வாளைப் பயன்படுத்திய காட்சி சமூக வலைதளங்களில் கடுமையான விமர்சனங்களை பெற்று வருகிறது. ரசிகர்கள் மற்றும் திரையுலகினர் வெற்றிமாறனின் பிறந்தநாளைக் கொண்டாடுவதில் கவனம் செலுத்திய நிலையில், சிலர் கேக் வெட்டும் நிகழ்வில் ஆயுதத்தைப் பயன்படுத்துவது குறித்த கேள்விகளை எழுப்பினர். பிறந்தநாள் கொண்டாட்டங்களில் வாள் உள்ளிட்ட ஆயுதங்கள் பயன்படுத்தப்படுவது தொடர்பாக ஏற்கெனவே அடிக்கடி விமர்சனங்கள் எழுந்துவரும் நிலையில், இந்த விவாதமும் தற்போது பரபரப்பை ஏற்படுத்தி உள்ளது.
Vetrimaaran in wrong direction 🙏 pic.twitter.com/t8XTLUT4ay
— முரளி 🆅︎🅹︎ (@Muralivj84) September 4, 2026
சமூக வலைதளத்தில் வெளியான பதிவில், இந்தச் சம்பவத்தைத் தமிழ் சினிமாவில் அடிக்கடி இடம்பெறும் வாள் தொடர்பான காட்சிகளுடன் ஒப்பிட்டு, இதுபோன்ற காட்சிகளை அதிகாரிகள் கவனத்தில் கொள்ள வேண்டும் என்றும் வலியுறுத்தப்பட்டுள்ளது. இந்த வீடியோ தொடர்ந்து இணையத்தில் பரவி வரும் நிலையில், வெற்றிமாறனின் பிறந்தநாள் கொண்டாட்டம் தற்போது விழாவைக் கடந்து விவாதப் பொருளாக மாறியுள்ளது.
இதற்கிடையில், வெற்றிமாறனின் அடுத்தடுத்த படைப்புகள் குறித்து ரசிகர்களின் எதிர்பார்ப்பை அதிகரிக்கும் பல காரணங்கள் உள்ளன. அவற்றில் மிகவும் எதிர்பார்க்கப்படும் படங்களில் ஒன்றாக ‘அரசன்’ உள்ளது. இப்படத்தின் மூலம் இயக்குநர் வெற்றிமாறன், நடிகர் சிலம்பரசன் டி.ஆர். உடன் இணைந்துள்ளார். ‘ஆடுகளம்’, ‘விசாரணை’, ‘வட சென்னை’, ‘அசுரன்’ உள்ளிட்ட விமர்சன ரீதியாகப் பாராட்டப்பட்ட படங்களைத் தொடர்ந்து, வெற்றிமாறனின் திரைப்படப் பட்டியலில் ‘அரசன்’ முக்கியமான படைப்பாக அமைய உள்ளது.