ஆந்திராவின் கடலோரப் பகுதிகளுக்கு நாளை காலை வரை ரெட் அலெர்ட்; மீனவர்கள் கடலுக்குச் செல்ல தடை

ஆந்திரா வானிலை ஆய்வு மைய இயக்குநர் கே. நாக ரத்னா கூறியதாவது: தற்போது புயலின் தீவிரத்தைப் பொறுத்தவரை, காற்றின் வேகம் மணிக்கு 125 முதல் 135 கி.மீ வரை உள்ளது; கோனசீமா மற்றும் அதை ஒட்டிய காக்கிநாடா உள்ளிட்ட கடலோர மாவட்டங்களில் காற்றின் வேகம் அவ்வப்போது மணிக்கு 150 கி.மீ வரை அதிகரிக்கக்கூடும். புயல் தற்போது கிட்டத்தட்ட ஒரே இடத்தில் நிலை கொண்டுள்ளது.

இன்னும் ஒன்று முதல் இரண்டு மணி நேரத்திற்குள் புயல் கரையை கடக்க வாய்ப்புள்ளது. அடுத்த சில மணி நேரங்களில் புயல் கரையை கடக்கும் என்று எதிர்பார்க்கப்படுகிறது. அதன் பிறகு, புயலின் தீவிரம் குறைந்து, தீவிர சூறாவளி புயலாக மாறும்; மதியத்திற்குள் இது மேலும் வலுவிழந்து சாதாரண சூறாவளி புயலாக மாறக்கூடும். மதியத்திற்கு பிறகு காற்றின் வேகம் மேலும் குறைந்து, மணிக்கு 60 முதல் 70 கி.மீ என்ற நிலையை எட்டும்.

அர்னாப் புயல் எதிரொலியாக, ஆந்திராவின் கடலோரப் பகுதிகளுக்கு இன்று முதல் நாளை காலை வரை ரெட் அலெர்ட் விடுக்கப்பட்டுள்ளது. ரயில், விமானம் மற்றும் சாலைப் போக்குவரத்து பாதிக்கப்படலாம். மின்சாரம், குடிநீர் விநியோகம் மற்றும் தொலைத்தொடர்பு சேவைகளிலும் பாதிப்பு ஏற்படக்கூடும். கிழக்கு, மத்திய மற்றும் மேற்கு, மத்திய வங்காள விரிகுடா பகுதிகளில், அக்டோபர் 27, 28, 29 ஆகிய தேதிகளில் மீனவர்கள் கடலுக்குச் செல்ல தடை விதிக்கப்பட்டுள்ளது. இவ்வாறு அவர் கூறினார்.