இங்கிலாந்து அணி அபாரம்: 133 ரன்னுக்கு சுருண்டது பாகிஸ்தான்

இங்கிலாந்து சென்றுள்ள பாகிஸ்தான் அணி, மூன்று போட்டிகள் கொண்ட டெஸ்ட் தொடரில் பங்கேற்கிறது. முதலிரண்டு போட்டியில் வென்ற இங்கிலாந்து 2-0 என, ஏற்கனவே தொடரை கைப்பற்றியது. பர்மிங்காமில் 3வது டெஸ்ட் நடக்கிறது. ‘டாஸ்’ வென்ற இங்கிலாந்து கேப்டன் ஜோ ரூட், ‘பீல்டிங்’ தேர்வு செய்தார்.

முதல் இன்னிங்சை துவக்கிய பாகிஸ்தான் அணிக்கு, இங்கிலாந்து ‘வேகங்கள்’ தொல்லை தந்தனர். ராபின்சன் பந்தில் சைம் அயுப் (0), அப்துல்லா ஷபிக் (3) அவுட்டாகினர். ஆர்ச்சர் ‘வேகத்தில்’ அசான் அவைஸ் (9), ஷான் மசோத் (5) வெளியேறினர். ஜோஷ் டங் பந்தில் கேப்டன் பாபர் ஆசம் (7) போல்டானார். தொடர்ந்து மிரட்டிய ஜோஷ் டங் ‘வேகத்தில்’ ஹாசி கோரி (4), முகமது இம்ரான் (5) ஆட்டமிழந்தனர். சவுத் ஷகீல் (43) ஓரளவு கைகொடுத்தார். முகமது அபாஸ் (21) ஆறுதல் தந்தார்.

பாகிஸ்தான் அணி முதல் இன்னிங்சில் 133 ரன்னுக்கு ‘ஆல்-அவுட்’ ஆனது. முகமது அலி (5) அவுட்டாகாமல் இருந்தார். இங்கிலாந்து சார்பில் ஜோஷ் டங் 4, ஆர்ச்சர், ராபின்சன் தலா 3 விக்கெட் கைப்பற்றினர்.

பின் முதல் இன்னிங்சை துவக்கிய இங்கிலாந்து அணிக்கு பென் டக்கெட் (11), ஜோர்டான் காக்ஸ் (4), கேப்டன் ஜோ ரூட் (8) ஏமாற்றினர். பின் இணைந்த எமிலியோ, ஹாரி புரூக் ஜோடி கைகொடுத்தது. எமிலியோ அரைசதம் கடந்தார்.

தேநீர் இடைவேளைக்கு பின் இங்கிலாந்து அணி முதல் இன்னிங்சில் 133/0 ரன் எடுத்திருந்தது. எமிலியோ (52), புரூக் (43) அவுட்டாகாமல் இருந்தனர்.