காலிறுதியில் ஸ்ரீகாந்த்: சீன மாஸ்டர்ஸ் பாட்மின்டனில்

சீனாவில், ‘சூப்பர் 750’ அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. ஆண்கள் ஒற்றையர் பிரிவு 2வது சுற்றில் இந்தியாவின் ஸ்ரீகாந்த், கனடாவின் விக்டர் லாய் மோதினர். அபாரமாக ஆடிய ஸ்ரீகாந்த் 21-18, 21-19 என்ற நேர் செட் கணக்கில் வெற்றி பெற்று காலிறுதிக்குள் நுழைந்தார்.

ஆண்கள் இரட்டையர் பிரிவு 2வது சுற்றில் இந்தியாவின் சாத்விக்சாய்ராஜ், சிராக் ஷெட்டி ஜோடி 21-17, 22-24, 21-9 என்ற செட் கணக்கில் பிரான்சின் கிறிஸ்டோ போபோவ், டோமா ஜூனியர் போபோவ் ஜோடியை வீழ்த்தி காலிறுதிக்கு முன்னேறியது.

பெண்கள் ஒற்றையர் பிரிவு 2வது சுற்றில் இந்தியாவின் தான்வி சர்மா, ஜப்பானின் டோமோகா மியாசகி மோதினர். இதில் தான்வி சர்மா 17-21, 21-18, 16-21 என்ற கணக்கில் தோல்வியடைந்து வெளியேறினார்.

கலப்பு இரட்டையர் பிரிவு 2வது சுற்றில் இந்தியாவின் துருவ் கபிலா, தனிஷா கிராஸ்டோ ஜோடி 18-21, 18-21 என சீனதைபேயின் லியு குவாங் ஹெங், ஹசு யின் ஹுய் ஜோடியிடம் தோல்வியடைந்தது.