வெங்கி அட்லூரி இயக்கத்தில் சூர்யா நடிப்பில் சமீபத்தில் வெளியாகி பெரிய வெற்றியை பெற்ற ‘விஸ்வநாத் அண்ட் சன்ஸ்’ திரைப்படம், கடந்த ஆகஸ்ட் 14, 2026 அன்று உலகம் முழுவதும் திரையரங்குகளில் வெளியானது. காதல், நகைச்சுவை, உணர்வுகள் மற்றும் வணிகத் திரைப்படத்திற்கான அம்சங்கள் என பலவற்றை உள்ளடக்கிய இப்படத்தில் மமிதா பைஜூ முக்கிய கேரக்டரில் நடித்திருந்தார். தற்போது திரையரங்குகளில் வெற்றிகரமாக ஓடிக்கொண்டிருக்கிறது.
இந்நிலையில், இப்படத்தை வீட்டிலிருந்தபடியே எப்போது பார்க்கலாம் என்ற எதிர்பார்ப்பு ரசிகர்களிடையே அதிகரித்துள்ளது. ‘விஸ்வநாத் அண்ட் சன்ஸ்’ திரைப்படம் செப்டம்பர் 14ஆம் தேதி நெட்பிளிக்ஸ் ஓடிடி தளத்தில் வெளியாகும் எனக் கூறப்படுகிறது. இருப்பினும், இப்படத்தின் ஓ.டிடி வெளியீட்டு தேதியை படக்குழுவினர் இதுவரை அதிகாரப்பூர்வமாக உறுதி செய்யவில்லை. எனவே, அதிகாரப்பூர்வ அறிவிப்பு வெளியாகும் வரை, படத்தின் டிஜிட்டல் பிரீமியர் குறித்த உறுதியான தகவலுக்காக ரசிகர்கள் காத்திருக்க வேண்டிய நிலை உள்ளது.
மேலும், திரைப்படத்தின் திரையரங்க வசூல் நிலவரமும் அதன் ஓடிடி வெளியீட்டு தேதியை தீர்மானிப்பதில் முக்கியப் பங்கு வகிக்கக்கூடும். இந்த படம் ஒடிடி தளத்தில் வெளியாகும் பட்சத்தில், திரையரங்குகளில் படத்தைப் பார்க்க முடியாத ரசிகர்கள் உட்பட மேலும் பல பார்வையாளர்களை சென்றடைய வாய்ப்பு கிடைக்கும். இருப்பினும், அதிகாரப்பூர்வ அறிவிப்பு வெளியாகும் வரை ரசிகர்கள் காத்திருப்பது அவசியம். வெளியான சில வாரங்களுக்குப் பின்னரும் இப்படம் பாக்ஸ் ஆபிஸில் தொடர்ந்து தனது இருப்பை பதிவு செய்து வருகிறது.
வெங்கி அட்லூரி இயக்கியுள்ள இப்படம் வெளியானது முதல் பாக்ஸ் ஆபிஸில் சீரான வசூலைப் பதிவு செய்து வருகிறது. சாக்னிலிக் தகவலின்படி, 21வது நாளில் ‘விஸ்வநாத் அண்ட் சன்ஸ்’ இந்தியாவில் 995 காட்சிகள் மூலம் ரூ.61 லட்சம் நிகர வசூல் செய்துள்ளது. இதன் மூலம், இந்தியாவில் இப்படத்தின் மொத்த நிகர வசூல் ரூ.118.70 கோடியாக உயர்ந்துள்ளது. இந்தியாவில் இதன் மொத்த வசூல் ரூ.136.73 கோடியாக உள்ளது.
வெளிநாடுகளிலும் இப்படம் நல்ல வரவேற்பைப் பெற்றுள்ளது. வெளிநாடுகளில் மட்டும் ரூ.64.75 கோடி வசூல் செய்துள்ளதாகத் தகவல்கள் தெரிவிக்கின்றன. இதன் மூலம் இப்படத்தின் உலகளாவிய மொத்த வசூல் தற்போது ரூ.201.48 கோடியாக உயர்ந்துள்ளது. தற்போது எதிர்பார்க்கப்படும் டிஜிட்டல் வெளியீட்டு காலக்கட்டத்தை இப்படம் நெருங்கி வரும் நிலையில், அதன் ஒட்டுமொத்த திரையரங்கு வசூல் தொடர்ந்து முக்கியத்துவம் பெறும்.
‘விஸ்வநாத் அண்ட் சன்ஸ்’ படத்தில் சூர்யா மற்றும் மமிதா பைஜு முன்னணி கதாபாத்திரங்களில் நடித்துள்ளனர். மேலும், மூத்த நடிகர்களான ராதிகா சரத்குமார் மற்றும் ரவீனா டாண்டன் ஆகியோர் முக்கிய கதாபாத்திரங்களில் நடித்துள்ளனர். குடும்பப் பொழுதுபோக்கு அம்சங்களுக்கு முக்கியத்துவம் அளிக்கும் காதல் கலந்த குடும்பக் கதையாக இப்படம் உருவாக்கப்பட்டுள்ளது.