திண்டுக்கல்: ‘தமிழகத்தில் கள்ளுக்கடை திறக்கும் விவகாரத்தில் அரசு சரியான முடிவை எடுக்கும்’ என்று அமைச்சர் விக்னேஷ் தெரிவித்துள்ளார்.
திண்டுக்கல் மாவட்டம் பழனியில் செய்தியாளர்களை சந்தித்த போது அவர் கூறியதாவது; ஏற்கனவே கள்ளுக்கடை திறந்தால், என்னென்ன சாதகம், பாதகம் இருக்கிறது என்பது குறித்து அறிக்கையை முதல்வர் அலுவலகத்தில் கொடுத்துள்ளேன். இப்போது, கள்ளுக்கடைகள் குறித்து ஆய்வு செய்து வருகிறேன். கேரளா செல்லும் சாலைகளில் நிறைய கள்ளச்சாராயங்கள் பிடிபட்டு வருகின்றன.
கடந்த ஒரு மாதத்தில் மட்டும் 7 ஆயிரம் லிட்டர் கள்ளச்சாராயம் பறிமுதல் செய்யப்பட்டுள்ளது. அது பற்றி விசாரிக்கும் போது, அது கள்ளுக்கடைகளுக்கும் போவதாக தகவல் வருகிறது. அதனால், கள்ளுக்கடைகளை திறப்பது குறித்து ஆய்வு செய்து கொண்டிருக்கிறோம். விரைவில் சரியான முடிவை அரசு எடுக்கும், இவ்வாறு அவர் கூறினார்.