சிதம்பரத்தில் மூடியிருக்கும் இளையபெருமாள் நூற்றாண்டு நினைவரங்கம் விரைவில் பொதுமக்கள் பயன்பாட்டிற்கு திறக்கப்படும். திமுக இனி கரை சேர முடியாது தமிழக உயர்கல்வித்துறை அமைச்சர் பெ.விஸ்வநாதன் தெரிவித்துள்ளார்
சிதம்பரத்தில் செய்தியாளர்களைச் சந்தித்த அவர் கூறியதாவது, ”சிதம்பரம் புறவழிச்சாலையில் கட்டப்பட்டுள்ள ஐயா எல்.இளையபெருமாள் நூற்றாண்டு நினைவரங்கம், திறக்கப்பட்டு ஓராண்டுக்கும் மேலாகியும் பொதுமக்கள் பயன்பாட்டிற்குக் கொண்டுவரப்படவில்லை.
இதனை பொதுமக்கள் பயன்பாட்டிற்கு கொண்டுவர வேண்டும் என காங்கிரஸ் கட்சியின் மாநிலத் துணைத்தலைவரும், நந்தனார் கல்விக் கழகத் தலைவருமான கே.ஐ. மணிரத்தினம் அரசின் கவனத்தை ஈர்க்கும் வகையில் பல்வேறு முயற்சிகளை மேற்கொண்டு வருகிறார். இந்த விவகாரம் அரசின் கவனத்திற்கு வந்துள்ளது. விரைவில் நினைவரங்கத்தைத் திறப்பதற்கான நடவடிக்கைகள் மேற்கொள்ளப்படும்.
கடந்த முறை சிதம்பரத்திற்கு வந்தபோது, நந்தனார் கல்விக்கழகம் சார்பில் சிதம்பரத்தில் சுவாமி சகஜானந்தா பெயரில் அரசு மகளிர் கலைக்கல்லூரி அமைக்க வேண்டும் எனக் கோரிக்கை வைக்கப்பட்டது. இந்தக் கோரிக்கை தமிழக முதல்வரின் கவனத்திற்குக் கொண்டு செல்லப்பட்டுள்ளது. இதுகுறித்து முதல்வர் விரைவில் நல்ல முடிவை எடுப்பார்.
முன்னாள் முதல்வர் மு.க. ஸ்டாலின், காங்கிரஸ் கட்சியுடன் ஒட்டும் இல்லை, உறவும் இல்லை என்று கூறி வருகிறார். இதே கருத்தை 2004-ஆம் ஆண்டிலேயே தெரிவித்திருந்தால், திமுக கூட்டணி அமைச்சரவையில் இடம் பெற்றிருக்க முடியாது; அத்தனை நாடாளுமன்ற உறுப்பினர்களையும் பெற்றிருக்க முடியாது. 2009-ஆம் ஆண்டிலும் இதே நிலை ஏற்பட்டிருக்கும்.
2014-ஆம் ஆண்டு தேர்தலில் திமுக போட்டியிட்டபோது அதன் நிலைப்பாடு வெட்ட வெளிச்சமானது. காங்கிரஸ் கட்சியின் ஆதரவின்றி இனி திமுக அரசியல் ரீதியாக கரை சேர்வது கடினம். இது முன்னாள் முதல்வருக்கும் தெரியும். அப்படியிருக்க, அவர் ஏன் அடிக்கடி இவ்வாறு பேசுகிறார் என்பது தெரியவில்லை. இது எனக்குப் பெரும் அச்சத்தை ஏற்படுத்துகிறது.
காங்கிரஸ் கட்சி 143 ஆண்டுகால வரலாறு உள்ளது. திமுகவைப் போன்று 30, 40 அல்லது 60 ஆண்டு கால வரலாற்றைக் கொண்ட கட்சி அல்ல காங்கிரஸ்க்கு அரசியல் அறிவைக் கற்றுக் கொடுக்கும் அளவுக்குத் திமுக பெரிய கட்சி அல்ல” என்றார்.