எழுதியவர்: காயத்ரி மணி
சனிக்கிழமையன்று நடைபெற்ற 18-வது பிரிக்ஸ் உச்சிமாநாட்டில் ஏற்றுக்கொள்ளப்பட்ட புதுடெல்லி அறிவிப்பின்படி, பிரிக்ஸ் நாடுகள் ஆரம்பகால குழந்தைப் பராமரிப்பு மற்றும் கல்வி (இ.சி.சி.) மற்றும் அடிப்படை எழுத்து அறிவு மற்றும் கணித அறிவில் (எஃப்.எல்.என்) ஒத்துழைக்க அழைப்பு விடுத்துள்ளன.
கடந்த மாதம் புவனேஸ்வரில் நடைபெற்ற 13-வது பிரிக்ஸ் கல்வி அமைச்சர்கள் கூட்டத்தின் முடிவுகளையும் அவை வரவேற்றன.
புதுடெல்லி அறிவிப்பில் குறிப்பிடப்பட்டுள்ளதாவது: “ஆரம்பகால குழந்தைப் பராமரிப்பு மற்றும் கல்வி மற்றும் அடிப்படை எழுத்து மற்றும் கணித அறிவில் சிறந்த நடைமுறைகளைப் பகிர்ந்துகொள்வது மற்றும் ஒத்துழைப்பு, தகுதிகளுக்கான பரஸ்பர அங்கீகாரம், கல்வி மற்றும் தொழில்முறை இயக்கம், டிஜிட்டல் கல்வியறிவு, கல்வியில் செயற்கை நுண்ணறிவு உள்ளிட்ட வளர்ந்து வரும் தொழில்நுட்பங்களின் பாதுகாப்பான, நெறிமுறை சார்ந்த, மனித மையப்படுத்தப்பட்ட பயன்பாடு மற்றும் வலுவான நிறுவன கூட்டாண்மைகளை நாங்கள் ஊக்குவிக்கிறோம்.”
இந்த அறிவிப்பு மற்றொரு முன்னுரிமைத் துறையான — பிரிக்ஸ் தொழில் மற்றும் தொழில்நுட்பக் கல்வி மற்றும் பயிற்சி (டி.வி.இ.டி) கூட்டமைப்பையும் (பிரிக்ஸ் – டி.சி.ஏ) சுட்டிக்காட்டியுள்ளது.
“திட்ட ஒத்துழைப்பிற்கான பன்முக தளத்தை உருவாக்குதல், தகவல் பரிமாற்றத்தை ஊக்குவித்தல், வளங்களைப் பகிர்வது மற்றும் உறுப்பு நாடுகளிடையே டி.வி.இ.டி-ன் கூட்டு வளர்ச்சியை முன்னேற்றுவதில் பிரிக்ஸ் டி.வி.இ.டி ஒத்துழைப்புக் கூட்டமைப்பு (பிரிக்ஸ் – டி.சி.ஏ) வகிக்கும் முக்கிய பங்கை நாங்கள் பெரிதும் அங்கீகரிக்கிறோம். பிரிக்ஸ்-டிசிஏ இருஆண்டு முன்னேற்ற அறிக்கை மற்றும் நிலையான திறன் முயற்சிகளின் பிரிக்ஸ்-டிசிஏ திரட்டு ஆகியவற்றைப் பெற நாங்கள் ஆவலுடன் காத்திருக்கிறோம்,” என்று அந்த அறிவிப்பில் தெரிவிக்கப்பட்டுள்ளது.
தொழில் மற்றும் தொழில்நுட்பக் கல்வி மற்றும் பயிற்சி (டி.வி.இ.டி) நிறுவனங்களை தொழில்களுடன் இணைப்பதை ஊக்குவிப்பதன் மூலம், திறன் மேம்பாட்டு அமைப்புகள், டிஜிட்டல் கல்வியறிவு மற்றும் பிரிக்ஸ் நாடுகள் முழுவதிலும் உள்ள தொழிலாளர்களின் தயார்நிலையை மேம்படுத்துதல், அதே நேரத்தில் வளர்ந்து வரும் சந்தை தேவைகள் மற்றும் நிலையான வளர்ச்சி முன்னுரிமைகளுடன் பயிற்சித் திட்டங்களை சீரமைப்பதை ஊக்குவிப்பதற்கான அர்ப்பணிப்பை இது மீண்டும் உறுதிப்படுத்தியது.
பிரிக்ஸ் நெட்வொர்க் பல்கலைக்கழகம் உள்ளிட்ட தற்போதைய கல்வி வழிமுறைகள் மூலம் தொடர்ச்சியான ஒத்துழைப்புக்கான பிரிக்ஸ் நாடுகளின் ஆதரவையும் இந்த அறிவிப்பு மீண்டும் உறுதிப்படுத்தியுள்ளது. பாரம்பரிய மற்றும் உள்ளூர் அறிவு அமைப்புகளின் கல்வி ஒத்துழைப்பை வலுப்படுத்துவது குறித்த ‘பிரிக்ஸ் வழிகாட்டுதல் கோட்பாடுகளை’ சுற்றறிக்கையாக அனுப்பிய இந்தியாவின் முயற்சியை அது வரவேற்றுள்ளது.
பாரம்பரிய, பழங்குடியின மற்றும் உள்ளூர் அறிவு அமைப்புகளை கூடுதல் சர்வதேச தலைப்பிலான குழுவாக பரிசீலிக்குமாறு பிரிக்ஸ் நெட்வொர்க் பல்கலைக்கழகத்தை இந்த அறிவிப்பு ஊக்குவித்தது.
“நிறுவன நிர்வாகத்தை மேம்படுத்துதல், கல்வியில் தரம் மற்றும் அணுகலை அதிகரித்தல், மற்றும் அறிவியல், தொழில்நுட்பம், பொறியியல் மற்றும் கணிதம் (STEM) உள்ளிட்ட இளங்கலை மற்றும் முதுகலை நிலைகளில் பரிமாற்ற மற்றும் உதவித்தொகை திட்டங்களை ஊக்குவித்தல், புதுமைகளை வளர்ப்பதற்கும் வேலை வாய்ப்புகளை விரிவுபடுத்துவதற்கும் டி.வி.இ.டி-தொழில்துறை இணைப்பை ஏற்படுத்துவதற்கான கூட்டு முயற்சிகளையும் நாங்கள் ஊக்குவிக்கிறோம்…”