ஹேப்பி… ஹேப்பி: உலகின் மகிழ்ச்சியான நகரங்கள்; உலகமே அழிஞ்சாலும் இந்த நாடு தான் ஃபர்ஸ்ட் இருக்கும்

ஒரு நகரம் உண்மையிலேயே மகிழ்ச்சியாக இருக்க எது காரணம்? தூய்மையான காற்று, சிறந்த மருத்துவ வசதி, பசுமைப் பகுதிகள் அல்லது மக்களின் புன்னகையா? ‘ஹேப்பி சிட்டி இன்டெக்ஸ் 2026’ (Happy City Index 2026) அறிக்கையின்படி, ஒரு நகரின் மகிழ்ச்சி என்பது பணத்தையும் செல்வத்தையும் தாண்டியது.

https://tamil.indianexpress.com/international/iran-ended-visa-free-entry-for-indians-do-you-know-why-12201892

சுற்றுச்சூழல், பொருளாதாரம், சுகாதாரம், நல்ல நிர்வாகம் மற்றும் மக்களின் வாழ்க்கைத்தரம் ஆகியவற்றை அடிப்படையாகக் கொண்டு இந்தத் தரவரிசைப் பட்டியல் தயாரிக்கப்பட்டுள்ளது. இதில் ஐரோப்பிய நகரங்கள் வழக்கம்போல முதலிடத்தைப் பிடித்துள்ள நிலையில், ஆசிய நகரங்களும் இதில் ஆதிக்கம் செலுத்துகின்றன.

கோபன்ஹேகன், டென்மார்க் (Copenhagen, Denmark)

இந்த உலகளாவிய தரவரிசையில் கோபன்ஹேகன் முதலிடத்தைப் பிடித்துள்ளது. வேலை, குடும்பம், ஓய்வு மற்றும் சுற்றுச்சூழல் பாதுகாப்பு ஆகியவற்றிற்கு இடையே சரியான சமநிலையைப் பேணுவதில் இந்த நகரம் உலகப் புகழ்பெற்றது.

சிறப்பம்சங்கள்: மிதிவண்டி (Cycling) கலாச்சாரம், வண்ணமயமான ‘நியாவ்ன்’ (Nyhavn) கால்வாய் பகுதிகள், உலகப் புகழ்பெற்ற ‘டிவோலி கார்டன்ஸ்’ (Tivoli Gardens) பொழுதுபோக்கு பூங்கா மற்றும் மிகச்சிறந்த உணவகங்கள்.

ஹெல்சிங்கி, பின்லாந்து (Helsinki, Finland)

உலகிலேயே மிகவும் மகிழ்ச்சியான நாடுகளின் பட்டியலில் பின்லாந்து தொடர்ந்து முதலிடம் வகிக்கிறது. அதன் தலைநகரான ஹெல்சிங்கி, நார்டிக் டிசைன் மற்றும் நவீன கட்டிடக்கலையின் அழகிய கலவையாகும்.

சிறப்பம்சங்கள்: மார்க்கெட் சதுக்கம் (Market Square), ஹெல்சிங்கி கதீட்ரல், மற்றும் யுனெஸ்கோவால் அங்கீகரிக்கப்பட்ட ‘சுவோமென்லின்னா’ (Suomenlinna) கடல் கோட்டை.

ஜெனீவா, சுவிட்சர்லாந்து (Geneva, Switzerland)

ஆல்ப்ஸ் மலைத்தொடர்களால் சூழப்பட்ட ஜெனீவா நகரம் இந்த பட்டியலில் மூன்றாம் இடத்தைப் பிடித்துள்ளது. ஐக்கிய நாடுகள் சபை உட்பட பல சர்வதேச அமைப்புகளின் தலைமையகங்கள் இங்கு அமைந்துள்ளன.

சிறப்பம்சங்கள்: புகழ்பெற்ற ‘ஜெட் டி ஓ’ (Jet d’Eau) நீர்வீழ்ச்சி, ஏரிப் படகுச் சவாரிகள், சுத்தமான தெருக்கள் மற்றும் மிகச் சிறந்த போக்குவரத்து வசதிகள்.

உப்பசலா, ஸ்வீடன் (Uppsala, Sweden)

ஸ்டாக்ஹோம் நகரத்தின் நிழலில் மறைந்திருந்த உப்பசலா நகரம், தற்போது உலகளவில் மிகவும் மதிப்பிற்குரிய இந்த பட்டியலில் அமைதியாக இடம் பிடித்து சாதனை படைத்துள்ளது.

சிறப்பம்சங்கள்: நூற்றாண்டு கால வரலாற்றுச் சிறப்புகள், உப்பசலா கதீட்ரல், குஸ்டாவியானம் அருங்காட்சியகம் மற்றும் அமைதியான ஃபைரிஸ் (Fyris) நதிக்கரை.

டோக்கியோ, ஜப்பான் (Tokyo, Japan)

உலகின் மிகப் பெரிய மாநகரங்களில் ஒன்றான ஜப்பானின் டோக்கியோவும் மிகவும் மகிழ்ச்சியான நகரங்களில் ஒன்றாகத் திகழ முடியும் என நிரூபித்துள்ளது.

சிறப்பம்சங்கள்: எதிர்காலத் தொழில்நுட்பமும் பாரம்பரிய கலாச்சாரமும் இணைந்த நகரம். பரபரப்பான ஷிபுயா (Shibuya) தெருக்கள் முதல் அமைதியான மெய்ஜி கோயில் (Meiji Shrine) மற்றும் வரலாற்றுச் சிறப்புமிக்க அசாஃபுசா (Asakusa) பகுதிகள் வரை சுற்றுலாப் பயணிகளை வியப்பில் ஆழ்த்துகிறது.