கே.ஜி.எப் படத்தின் மூலம் இந்திய அளவில் கவனிக்கப்படும் நடிகராக உயர்ந்த யஷ் நடிப்பில் சமீபத்தில் வெளியான படம் டாக்ஸிக். பெரிய எதிர்பார்ப்புக்கு மத்தியில் வெளியான இந்த படம் கலவையான விமர்சனங்களை பெற்றது. ஆனாலும் 2-வது வார இறுதியில் மீண்டும் வேகம் பிடித்துள்ளது. வர்த்தகத் திரைப்பட வசூல் கண்காணிப்பு நிறுவனமான சாக்னில்க் (Sacnilk) -ன் தகவலின்படி, வெளியான 11-வது நாளில் இப்படத்தின் இந்திய நிகர வசூல் 34 சதவீதம் அதிகரித்துள்ளது.
கீது மோகன்தாஸ் இயக்கிய இப்படம், இரண்டாவது சனிக்கிழமையன்று இந்தியாவில் 1,927 காட்சிகளின் மூலம் ரூ.2.35 கோடி நிகர வசூலை ஈட்டியுள்ளது. இதன் மூலம், இப்படத்தின் இந்திய நிகர வசூல் ரூ.243.40 கோடியாக உயர்ந்துள்ளது. அதேவேளையில், இந்தியாவில் இப்படத்தின் மொத்த வசூல் ரூ.290.50 கோடியாக உள்ளது. வெளிநாட்டு சந்தையிலும் ‘டாக்ஸிக்’ தொடர்ந்து வசூல் செய்து வருகிறது.
சாக்னில்க் (Sacnilk) தகவலின்படி, 11-வது நாளில் இப்படம் ரூ.75 லட்சம் வசூலித்துள்ளது. இதன் மூலம் வெளிநாடுகளில் இப்படத்தின் மொத்த வசூல் ரூ.44 கோடியாக உயர்ந்துள்ளது. இதையடுத்து, உலகளவில் இப்படத்தின் மொத்த வசூல் ரூ.334.50 கோடியாகியுள்ளது. ‘டாக்ஸிக்’ திரைப்படம் இந்தியாவில் முதல் நாளிலேயே ரூ.101.10 கோடி என்ற பிரம்மாண்டமான நிகர வசூலுடன் தொடங்கியது. ஆனால், அதன்பிறகு வசூலில் கடுமையான சரிவை சந்தித்தது.
2-வது நாளில் ரூ.37.65 கோடியும், 3-வது நாளில் ரூ.27.20 கோடியும், 4-வது நாளில் ரூ.25.15 கோடியும், 5-வது நாளில் ரூ.23 கோடியும் வசூலித்தது. அதன்பிறகு இப்படத்தின் வசூல் ஒற்றை இலக்கத்திற்கு சரிந்தது. 6-வது நாளில் ரூ.7.65 கோடியும், 7-வது நாளில் ரூ.7.85 கோடியும் வசூலித்தது. இரண்டாவது வாரத்திலும் வசூல் சரிவு தொடர்ந்தது. எட்டாவது நாளில் ரூ.5.45 கோடியும், ஒன்பதாவது நாளில் ரூ.4.25 கோடியும் வசூலித்தது. 10-வது நாளில் இப்படத்தின் வசூல் மேலும் சரிந்து ரூ.1.75 கோடியாக இருந்தது.
இந்த நிலையில், 11-வது நாளில் கிடைத்த ரூ.2.35 கோடி வசூல் ‘டாக்ஸிக்’ திரைப்படத்திற்கு சிறிய அளவில் ஊக்கமளிக்கும் வகையில் அமைந்துள்ளது. சனிக்கிழமையன்று இப்படத்தின் ஒட்டுமொத்த திரையரங்கு இருக்கை நிரப்புதல் விகிதம் 28.1 சதவீதமாக இருந்தது. இதில் கன்னடப் பதிப்பு தொடர்ந்து அதிக பங்களிப்பை வழங்கியது. அந்தப் பதிப்பு ரூ.1.38 கோடி நிகர வசூலை ஈட்டிய நிலையில், இந்தி பதிப்பு ரூ.90 லட்சம் வசூலித்துள்ளது.